नवी दिल्ली : Whatsapp या मेसेजिंग अ‍ॅपचा वापर जगभरातील कोट्यावधी युजर्स करतात. WhatsAppआता फक्त मेसेजिंग, फोटो-व्हिडिओ पाठवणे किंवा कॉल करण्यापुरते मर्यादित राहिलेले नाही. आता तुम्ही Whatsapp वरून पेमेंट देखील करू शकता. UPI आधारित पेमेंट सेवेद्वारे वापरकर्ते त्यांच्या संपर्क यादीतील कोणत्याही मित्राला सहजपणे पैसे पाठवू शकतात किंवा पैसे पाठवण्याची विनंती करू शकतात. तुम्ही ही सेवा अगदी सहज वापरू शकता. जर तुम्हाला Whatsapp वरून आपलं बॅंक अकाऊंट रिमूव्ह करायचे असेल तर काय करावं लागेल? याचीच माहिती आपण सविस्तर घेणार आहोत. (How To Remove Bank Account On Whatsapp)
या सेवेला 'Whatsapp Pay' म्हणून ओळखले जाते. ही सेवा 2018 मध्ये लॉन्च करण्यात आली होती. भारतात, याला 7 फेब्रुवारी 2020 रोजी नॅशनल पेमेंट कॉर्पोरेशन ऑफ इंडियाकडून मंजुरी मिळाली. Google Pay, UPI, Paytm यासह अनेक प्रकारच्या पेमेंट गेटवेमध्ये WhatsApp Pay वापरण्याचा मार्ग सारखाच आहे. प्रत्येकजण WhatsApp पेमेंट सेवा वापरू शकतो.
Whatsapp उघडलेल्या 3 डॉट्स आयकॉनवर म्हणजेच सेटिंग्जवर क्लिक करून तुम्हाला ही सेवा मिळते. जिथे पेमेंट्सचा पर्याय दिसेल. त्याच वेळी, तुम्हाला तुमचे बँक खाते लिंक करावे लागेल. तुम्ही WhatsApp च्या या पेमेंट पद्धतीवर समाधानी नसल्यास किंवा ती सोडू इच्छित असल्यास, तुम्ही त्यासाठी लिंक केलेले बँक खाते काढून टाकू शकता. (Whatsapp Bank Account Remove)
मनोरंजक गोष्ट म्हणजे WhatsApp वर बँक खाते जोडणे जितके सोपे आहे तितकेच ते काढणे देखील सोपे आहे. यासाठी तुम्हाला कोणतेही थर्ड पार्टी अॅप डाउनलोड करण्याची किंवा ब्राउझर वापरण्याची गरज नाही.
- WhatsApp च्या सेटिंगमध्ये जा.
- पेमेंट्स पर्यायावर क्लिक करा.
- येथे तुम्हाला बँक खाते दिसेल, त्यावर टॅप करा.
- आता बँक खाते काढा, असा पर्याय तुम्हाला दिसेल.
- त्यावर क्लिक करून तुम्ही तुमचे बँक खाते WhatsApp Pay वरून काढू शकता.
Edited By - Satish Daud
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.