भाजपनं ८० च्या दशकातील अभिनेत्याला दिली महत्त्वाची जबाबदारी; सुपरस्टारला मिळाला कॅबिनेट मंत्र्याचा दर्जा

८० च्या दशकात बॉलिवूडवर राज्य करणारे अभिनेते मिथून चक्रवर्ती यांना पश्चिम बंगाल सरकारमध्ये महत्त्वाची भूमिका देण्यात आलीय.पश्चिम बंगाल सरकारने अभिनेते आणि राजकारणी मिथुन चक्रवर्ती यांच्यावर एक महत्त्वाची जबाबदारी सोपवलीय. भाजपनं त्यांची पश्चिम बंगाल सरकारचे सल्लागार म्हणून नियुक्ती करण्यात आली आहे. त्यांची ही भूमिका माहिती आणि सांस्कृतिक कार्य विभागाशी संबंधित असणार आहे. (Mithun Chakraborty Gets Key West Bengal Government Role With Cabinet Minister Rank)

या पदासोबतच त्यांना कॅबिनेट मंत्र्याचा दर्जाही देण्यात आलाय. ही नियुक्ती त्वरित लागू झाली असून पुढील आदेशापर्यंत ती कायम राहणार आहे. मिथुन चक्रवर्ती हे बंगाली राजकारणात दीर्घकाळापासून सक्रिय असून त्यांनी भाजपसाठी प्रचारही केलाय. आता त्यांना राज्य सरकारमध्ये एक भूमिका देण्यात आलीय. राज्यातील माहिती, संस्कृती आणि कला क्षेत्रांशी संबंधित बाबींचे कामकाज 'माहिती आणि सांस्कृतिक कार्य विभाग' पाहतो. मिथुन यांची या विभागाचे सल्लागार म्हणून नियुक्ती करण्यात आलीय.

मिथुन चक्रवर्ती आता माहिती आणि सांस्कृतिक कार्य विभागाचे सल्लागार म्हणून काम पाहतील. यापूर्वी ही जबाबदारी सुवेंदू अधिकारी यांच्याकडे होती. आता मिथुन चक्रवर्ती यांची सरकारी सल्लागार म्हणून नियुक्ती करण्यात आली असून, या विभागाशी संबंधित बाबींवर सरकारला सल्ला देणे ही त्यांची भूमिका असेल. सरकारी अधिसूचनेनुसार, ही नियुक्ती त्वरित लागू झाली आहे. पुढील आदेशापर्यंत ती कायम राहील.