Delhi Metro Train : ट्रेन आणि ट्रेनमधील प्रवाशी यांचे अनेक अतरंगी व्हिडिओ व्हायरल होत असतात. ट्रेनमध्ये बसण्याच्या जागेवरून महिलांचे हाणामारीचे अनेक व्हिडिओ आतापर्यंत व्हायरल झाले आहेत. अशात तरुण मुलं काय अतरंगीपणा करतील आणि काय नाही याचा काही नेम नाही. सध्या दिल्ली मेट्रोचा असाच एक व्हिडिओ व्हायरल झाला आहे. या व्हिडिओमध्ये दोन तरुण मुलं चक्क स्कर्ट घालून ट्रेनमध्ये चढलेत. (Boys In Skirt)
ट्रेनमध्ये स्कर्ट घालून आलेल्या या तरुणांना पाहून प्रवाशी देखील थक्क झालेत. मुलांची अनोखी फॅशन पाहून काही व्यक्ती तर या दोघांकडे एकटक पाहत राहिले होते. व्हिडिओमध्ये दिसत आहे की, दोघांनी डेनीअमचे स्कर्ट घातले आहेत.
त्यांचा हा अवतार पाहून काहीजण खळखळून हसत आहेत. अशात ही मुलं अशी अतरंगी फॅशन करून एवढ्यावरच थांबलेली नाहीत. यापुढे त्यांनी स्टेशन परिसरात धुमाकूळ घातलाय.
हे दोघेही एकमेकांचे मित्र असल्याचे समजले आहे. सोशल मीडियावर फेमस होण्यासाठी काहीतरी अतरंगी करता यावं म्हणून या दोघांनी थेट मुलींचे कपडे घालण्यास सुरूवात केली. टी-शर्ट, स्कर्ट, डोळ्यांमध्ये गॉगल आणि पायात श्यूज घालून संपूर्ण स्टेशनवर ही मुलं स्वॅगमध्ये फिरताना दिसत आहेत.
सोशल मीडियावर @_bhavyakuma या इंस्टाग्राम अकाउंटवर हा व्हिडिओ पोस्ट करण्यात आला आहे. १६ एप्रिल रोजी हा व्हिडिओ पोस्ट करण्यात आला. व्हिडिओला ३४ हजारांहून अधिक लाईक्स मिळाले आहेत. तसेच २ लाखांहून अधिक व्ह्यूव्ज या व्हिडिओला मिळाले आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.