IPS Transfer : पोलीस प्रशासनात बदल्यांचा धडाका सुरूच; 27 IPS अधिकाऱ्यांची बदली, कुणाची कुठे नियुक्ती?

उत्तर प्रदेशात पुन्हा एकदा बदल्यांचा धडाका सुरू करण्यात आला आहे. यंदा थेट 27 IPS अधिकाऱ्यांची बदली करण्यात आली आहे. यात १३ जिल्ह्यातील SP-SSP अधिकाऱ्यांच्या समावेश आहे. अवघ्या दोन दिवसांपूर्वी बदली करण्यात आली होती. शाहजहांपूर, एटा, महोबा, रामपूर, कौशांबी, चंदौली, अमरोहा, मऊ, जलौन, बहराइच, फिरोजाबाद, महाराजगंज आणि हमीरपूर या जिल्ह्याचा समावेश आहे. चंद्र प्रकाश यांची पोलीस निरीक्षक (सुरक्षा) पदावर नियुक्ती करण्यात आली आहे.

उत्तर प्रदेशातील पोलीस विभागात पुन्हा एकदा मोठा उलटफेर करण्यात आला आहे. राज्यातील १३ जिल्ह्यातील प्रमुख पोलीस अधिकाऱ्यांच्या बदल्या करण्यात आल्या आहेत. राज्यातील एकूण २७ आयपीएस अधिकाऱ्यांच्या बदल्या करण्यात आल्या आहेत. लखनौ आणि नोएडाच्या पोलीस आयुक्तपदावरून इतर जिल्ह्याच्या उपआयुक्तपदी नियुक्ती करण्यात आली आहे.

लखनौचे पोलीस उपआयुक्त शंशाक सिंह यांची महोबाच्या पोलीस अधीक्षकपदी नियुक्ती करण्यात आली आहे. लखनौ उपायुक्तातील विश्वजीत श्रीवास्त यांची बहराइचच्या पोलीस अधीक्षकपदी नियुक्ती करण्यात आली आहे. तसेच पोलीस अक्षीक्षक रामनयन सिंह यांची नोएडा येथे बदली करण्यात आली आहे.

फिरोजाबादचे पोलीस अधीक्षक सौरभ दीक्षित यांची शहाजहानपूरच्या पोलीस अधीक्षकपदी नियुक्ती करण्यात आली आहे. मऊचे पोलीस अधीक्षक एलमारन जी यांची एटाच्या सहायक पोलीस अधीक्षकपदी नियुक्ती करण्यात आली आहे. श्याम नारायण सिंग याची एसडीआरएफमध्ये बदली करण्यात आली आहे. महाराजगंजचे पोलीस अक्षीक्षक सोमेंद्र मीना यांची रामपूरचे पोलीस अधीक्षक म्हणून नियुक्ती करण्यात आली आहे.

चंदौलीचे पोलीस अधीक्षक आदित्य लांघे यांची फिरोजाबादचे पोलीस अधीक्षक म्हणून नियुक्ती करण्यात आली आहे. कमलेश बहादूर यांची मऊच्या पोलीस अधीक्षकपदी नियुक्ती करण्यात आली आहे. एसपी अमित कुमार आनंद यांची लखनौ आयुक्तालयात बदली करण्यात आली आहे. एटीएसचे एसपी विनय कुमार सिंग यांची जालौनच्या पोलीस अधीक्षकपदी नियुक्ती करण्यात आली आहे. डॉ. दुर्गेश कुमार यांची अयोध्याच्या ६ व्या एसएसएफ बटालियनच्या कमांडरपदी नियुक्ती करण्यात आली आहे.