मोठा प्रशासकीय फेरबदल; 34 IAS-IPS अधिकाऱ्यांची बदली; कुणाला कुठे मिळाली जबाबदारी?

राजस्थान सरकारने पुन्हा एकदा IAS आणि IPS अधिकाऱ्यांच्या बदल्या केल्या आहे. काही दिवसाआधीच राज्यात 64 IPS अधिकाऱ्यांच्या बदल्या केल्या होत्या. यामध्ये पोलीस आयुक्त आणि वरिष्ठ अधिकाऱ्यांना वेगवेगळ्या जिल्ह्यात नियुक्ती करण्यात आली होती. अशातच गुरुवारी (दि 19) ला 34 IAS आणि IPS अधिकाऱ्यांच्या बदल्या केल्या आहेत. यामध्ये 25 IAS आणि 9 IPS अधिकाऱ्यांचा समावेश आहे.

आयएएस अधिकाऱ्यांमध्ये वरिष्ठ स्तरावर महत्त्वपूर्ण बदल करण्यात आले आहेत. अखिल अरोरा यांची जयपूर येथील मुख्यमंत्री कार्यालयात अतिरिक्त मुख्य सचिव म्हणून नियुक्ती करण्यात आली आहे. अपर्णा अरोरा यांची जयपूर येथील खाण आणि पेट्रोलियम विभागात अतिरिक्त मुख्य सचिव म्हणून नियुक्ती करण्यात आली आहे. श्रेया गुहा यांची जयपूर येथील हरिश्चंद्र माथूर राजस्थान राज्य सार्वजनिक प्रशासन संस्थेच्या महासंचालक म्हणून नियुक्ती करण्यात आली आहे. प्रवीण गुप्ता यांच्याकडे सार्वजनिक बांधकाम विभागाच्या अतिरिक्त मुख्य सचिव पदासोबतच युवा व्यवहार आणि क्रीडा विभागाची जबाबदारी देण्यात आली आहे.

अभिजीत शर्मा यांची अजमेर येथील महसूल मंडळाच्या अध्यक्षपदी नियुक्ती करण्यात आली आहे. आलोक गुप्ता यांची जयपूर येथील नगरविकास आणि गृहनिर्माण विभागाच्या अतिरिक्त मुख्य सचिवपदी नियुक्ती करण्यात आली आहे. निखिल कुमार यांच्याकडे प्रशासकीय सुधारणा आणि समन्वय विभाग तसेच माहिती तंत्रज्ञान आणि संचार विभागाच्या अतिरिक्त मुख्य सचिवपदाची जबाबदारी देण्यात आली आहे. राजेश कुमार यादव यांची शालेय शिक्षण आणि पंचायती राज (प्राथमिक शिक्षण) विभागाच्या अतिरिक्त मुख्य सचिवपदी नियुक्ती करण्यात आली आहे. हेमंत कुमार गेरा यांची जयपूर येथील सार्वजनिक आरोग्य अभियांत्रिकी आणि भूजल विभागाच्या प्रधान सचिवपदी नियुक्ती करण्यात आली आहे.

टी. रविकांत यांची महसूल आणि वसाहत विभागाच्या प्रधान सचिवपदी नियुक्ती करण्यात आली आहे. भवानी सिंग देथा यांची परिवहन विभागाच्या प्रधान सचिवपदी आणि राजस्थान राज्य रस्ते वाहतूक महामंडळाच्या अध्यक्षपदी नियुक्ती करण्यात आली आहे. विकास सीताराम भाले यांच्याकडे पशुसंवर्धन, मत्स्यव्यवसाय आणि दुग्धव्यवसाय विभागाच्या प्रधान सचिवपदाची जबाबदारी देण्यात आली आहे.