US-Iran War: अमेरिका इराणवर अणुबॉम्ब टाकणार? ट्रम्प यांचा बेचिराख करण्याचा प्लॅन?

रोहित कदम, साम प्रतिनिधी

अमेरिकेनं वारंवार अल्टिमेटम देऊनही इराण काही मागे हटण्यास तयार नाहीये. तब्बल 39 दिवस सुरू असलेल इराण-अमेरिका युद्ध आता शेवटच्या टप्प्यावर आलाय. बेसुमार हल्ले आणि धमक्यांना इराण भीक घालत नसल्यानं आता ट्रम्प यांनी विनाशक असं पाऊल उचलल्याचं दिसतंय. होय अमेरिकेच्या आकाशातील हालचालींनी जगाची धडधड वाढवलीये. नेमकं असं काय शिजतंय ट्रम्प यांच्या डोक्यात. कारण अमेरिकेच्या आकाशात दिसलेलं डुम्स डे हे विमान आण्विक युद्धासाठी वापरलं जातं.

डूम्सडे प्लेनमुळं जगाला धडकी भरलीये. बोईंग कंपनीनं तयार केलेलं अमेरिकन हवाई दलाचं E-4B नाईटवॉच जातीचं विशेष विमान आहे. अणु युद्धावेळी विशेष कमांड आणि कन्ट्रोलसाठी या विमानाचा वापर केला जातो. या विमानात बसून अमेरिकेचे राष्ट्राध्यक्ष जगाच्या कोणत्याही कोपऱ्यात अण्वस्त्र हल्ला करण्याचा आदेश देऊ शकतात.

एका रात्रीत इराण बेचिराख करू अशी ट्रम्प यांनी दिलेली उघड उघड धमकी आणि आता डूम्स्डेच्या घिरट्या म्हणजे अमेरिकेचा इराणला मोठ्या युद्ध सज्जतेचा एकप्रकारे इशाराच आहे... त्यामुळे आता अमेरिकेच्या या हालचालींवर इराण काय उत्तर देते याकडे सगळ्या जगाचं लक्ष लागून राहिलंय.