प्रमुख निवडणूक आयुक्त राजीव कुमार यांनी आज हरियाणा आणि जम्मू काश्मीर येथील निवडणुकीची घोषणा केली. हरियाणामध्ये एका टप्प्यात मतदान पार पडणार आहे. तर जम्मू काश्मीरमध्ये तीन टप्प्यात मतदान होणार आहे. हरियाणामध्ये एक ऑक्टोबर रोजी मतदान होणार आहे, तर चार ऑक्टोबर रोजी निकाल जाहीर करण्यात येणार आहे, असे राजीव कुमार यांनी सांगितले.
हरियाणामधे 90 विधानसभा मतदारसंघ आहेत. ज्यामध्ये 73 सर्वसाधारण जागा आणि 17 एससी जागा आहेत. त्याची मतदार यादी 27 ऑगस्ट रोजी प्रसिद्ध होणार आहे. यावेळी 2 कोटींपेक्षा जास्त मतदार मतदानाचा हक्क बजावणार आहे. हरियाणात 20629 मतदान केंद्र असतील. प्रत्येक मतदार केंद्रावर सगळ्या सुविधा आयोगाकडून पोहोचवल्या जातील. 85 पेक्षा जास्त वय असलेल्या मतदारांच मतदान घरी जाऊन घेतल जाईल, असे निवडणूक आयुक्तांनी सांगितलं.
निवडणुकीच्या तारखा काय आहेत ?
5 सप्टेंबर रोजी निवडणुकीबाबत अधिसूचना निघेल.
१२ सप्टेंबर - अर्ज दाखल करण्याची शेवटची तारीख
१३ सप्टेंबर - अर्जाची छाननी करण्याची अखेरची तारीख
१६ सप्टेंबर - अर्ज मागे घेण्याची अखेरची तारीख
१ नोव्हेंबर - मतदान
४ नोव्हेंबर - मतमोजणी
हरियाणात सत्ता स्थापनेसाठी काय समीकरण -
हरियाणामध्ये सरकार स्थापन करण्यासाठी बहुमताचा आकडा ४६ इतका आहे. २०१९ मध्ये विधानसबा निवडणुकीत भाजप बहुमतापासून दूर राहिले होते. भाजपला ४० जागांवर विजय मिळाला होता. तर काँग्रेसला ३१ जागांवर विजय मिळाला होता. जननायक जनता पार्टीला 10 आणि इनेलोने 1 जागेवर विजय मिळवला होता. एक जागा हरियाणा लोकहीत पार्टीने जिंकली होती. उर्वरित जागांवर अपक्षांनी विजय मिळवा होता. याआधी २०१४ मध्ये झालेल्या निवडणुकीत भाजपला ४७ जागांवर विजय मिळला होता.
महाराष्ट्रातील निवडणुका कधी ?
पत्रकार परिषदेत महाराष्ट्रातील निवडणुकीबाबत निवडणूक आय़ुक्तांना प्रश्न विचारण्यात आला. निवडणूक आयुक्त राजीव कुमार म्हणाले की," महाराष्ट्र आणि हरियाणा निवडणुका यापूर्वी एकत्र झाल्या होत्या. यापूर्वी 3 निवडणुका एकत्र होत होत्या यावेळी 4 राज्यांच्या निवडणुका आहेत. आम्ही 2-2 राज्यांच्या निवडणुकासोबत घेण्याचा निर्णय घेतला. महाराष्ट्रात पाऊस झाला होता, त्यामुळं अनेक गोष्टी बाकी आहेत. गणेश उत्सव, दसरा, दिवाळी हे महाराष्ट्रात पुढील काही दिवसांत सण-उत्सव आहेत. लवकरच महाराष्ट्राच्या निवडणुका जाहीर करूयात. "सुरक्षा पुरवण्याचा कारणावरून महाराष्ट्र आणि हरियाणा या राज्यांच्या निवडणुका सोबत घेतल्या नाहीत, असेही निवडणूक आयुक्त म्हणाले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.