Greece Boat Accident : ग्रीसमध्ये खडकावर बोट आदळल्याने मोठी दुर्घटना, १७ जणांचा मृत्यू

नवी दिल्ली : ग्रीसमध्ये एक धक्कादायक घटना घडल्याने खळबळ माजली आहे. दक्षिण ग्रीसमधील किथीरा बेटावर नागरिकांना घेवून जाणाऱ्या दोन बोटी खडकाला आदळल्याने मोठा अपघात झाला. या अपघातात १७ जणांचा मृत्यू झाला असून यात १६ महिलांचा आणि एका पुरुषाचा समावेश असल्याची माहिती तटरक्षक दलाने दिली आहे. (17 People died in Greece boat accident)

तटरक्षक दलाच्या माहितीनुसार, बोटीमधून जवळपास ९५ नागरिक प्रवास करत होते. प्रवासादरम्यान या दोन बोट खडकाला आदळल्या.या अपघातात १७ जणांचा मृत्यू झाला आहे.घटनास्थळी रेस्क्यू ऑपरेशन सुरु असून अजूनही ३० जणांचा शोध लागला नसल्याची माहिती आहे. बोट दुर्घटनेत मृत पावलेल्या नागरिकांमध्ये आफ्रिकेतील १६ तरुणींचा समावेश आहे. तर एका पुरुषाचाही या दुर्घटनेत मृत्यू झाला आहे.