Hit and Run Law Protest: मोठी बातमी! हिट अँड रन कायदा तूर्तास लागू होणार नाही; गृह सचिवाचं ट्रकचालक संघटनांना आश्वासन

Truck Drivers Protest: तीन नव्या कायद्यांविरोधात संपावर गेलेल्या मोटर ट्रान्सपोर्ट काँग्रेसच्या पदाधिकाऱ्यांची केंद्रीय गृह सचिव यांच्यासोबत बैठक झाली. नवीन कायद्यातील हिट अँड रनसाठी कठोर शिक्षेला ऑल इंडिया मोटर ट्रान्सपोर्ट काँग्रेस विरोध करत आहेत.
Union Home Secretary Ajay Bhalla
Union Home Secretary Ajay BhallaSaam Tv

Hit and Run Law Protest:

तीन नव्या फौजदारी कायद्यांविरोधात संपावर गेलेल्या मोटर ट्रान्सपोर्ट काँग्रेसच्या पदाधिकाऱ्यांची केंद्रीय गृह सचिव यांच्यासोबत बैठक झाली. नवीन कायद्यातील हिट अँड रनसाठी कठोर शिक्षेला ऑल इंडिया मोटर ट्रान्सपोर्ट काँग्रेस विरोध करत आहेत.

आज सायंकाळी केंद्र सरकारसोबत झालेल्या बैठकीनंतर सध्या त्यांची अंमलबजावणी न करण्याचा निर्णय घेण्यात आला आहे. गृह सचिव अजय भल्ला यांनी सांगितले की, हिट अँड रनचे नियम अद्याप लागू होणार नाहीत. वाहनचालकांना कामावर परतण्याचे आवाहन करण्यात आले आहे. 10 वर्षे कारावास आणि दंडाचा नियम अद्याप लागू होणार नाही. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Union Home Secretary Ajay Bhalla
Pension News: सरकारी कर्मचाऱ्यांसाठी मोठी बातमी, पेन्शनशी संबंधित या नियमात झाला बदल

नव्या कायद्याविरोधात सुरू असलेला संप लवकरच मागे घेण्यात येईल, असेही ट्रकर्स संघटनेने म्हटले आहे. ट्रकर्स संघटनेने सांगितले की, आम्ही भारतीय न्यायिक संहितेतील तरतुदींबाबत सविस्तर चर्चा केली. आमच्या सर्व मुद्द्यावर तोडगा निघाला आहे. नवीन कायद्याची अंमलबजावणी अद्याप झालेली नसून एआयएमटीसीशी चर्चा करूनच हा कायदा लागू केला जाईल, असे आश्वासन देण्यात आले आहे.  (Latest Marathi News)

या बैठकीनंतर सरकार आणि एआयएमटीसीने वाहनचालकांना तातडीने कामावर परतण्याचे आवाहन केले आहे. दोन दिवसांच्या ट्रॅफिक जामनंतर देशभरातील अनेक शहरांमध्ये पेट्रोल आणि डिझेलची समस्या निर्माण झाली होती. अनेक ठिकाणी दुचाकी आणि इतर वाहनांसाठीही इंधन मर्यादा निश्चित करण्यात आली होती.

Union Home Secretary Ajay Bhalla
Kalyan News: कल्याण पोलिसांकडून नवीन वर्षाचं नागरिकांना गिफ्ट, चोरीला गेलेला 3 कोटी 16 लाखांचा ऐवज केला परत

याशिवाय नागरिकांना ये-जा करताना मोठ्या प्रमाणात गैरसोयीचा सामना करावा लागत होता. तसेच भारतीय न्यायिक संहितेत हिट अँड रन प्रकरणी करण्यात आलेल्या तरतुदी अत्यंत कडक असून त्या चालकांच्या विरोधात असल्याचे वाहनचालकांनी सांगितले. ते म्हणाले की, या प्रकरणात शिक्षा 10 वर्षांपर्यंत वाढवण्यात आली जी योग्य नाही.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com