Hafiz Saeeds Son: पाकिस्तानच्या निवडणुकीत दहशतवाद्याची एंट्री; हाफिज सईदचा मुलगा उतरणार निवडणुकीच्या रिंगणात

Hafiz Saeeds son Contest In Election :

२६/११ मुंबई हल्ल्याचा मास्टरमाईंड हाफिज सईदचा मुलगा तल्हा सईद पाकिस्तानमधील निवडणुकीत उतरणार आहे. लाहोरच्या NA-127 जागेवरून निवडणूक लढवत असल्याचं वृत्त आहे. पाकिस्तानमध्ये ८ फेब्रुवारी रोजी होणाऱ्या सार्वत्रिक निवडणुकीत हाफिज सईदच्या नवीन राजकीय संघटनेने आपले उमेदवारांनी निवडणुकीच्या मैदानात उतरवलं आहे. (Latest News)

दहशतवादी संघटना (Terrorist organization) , लष्कर-ए-तैयबा (Lashkar-e-Taiba) (LeT) चा संस्थापक हाफिज सईद (Hafiz Saeed) हा २०१९ पासून तुरुंगात आहे. प्रतिबंधित करण्यात आलेली जमात-उद-दावा (JuD) शी संबंधित दहशतवादी संघटनेला पैसा दिल्याच्या प्रकरणात दोषी ठरल्यानंतर सईदला अटक करण्यात आलीय. दरम्यान पाकिस्तानात (Pakistan) सईदने मरकजी मुस्लीम लीग नावाची एक राजकीय पक्ष स्थापन केला केलाय. या पक्षाचं चिन्ह कुर्सी आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पीएमएमलचे अध्यक्ष खालिद मसूद सिंधू यानी एका व्हिडिओतून आपल्या समर्थकांना संदेश देताना म्हणाले की, त्याचा पक्ष राज्यात आणि देशातील निवडणुकीत आपले उमेदवार उभे करत आहे. आम्हाला सत्तेत भ्रष्टाचारासाठी नाही तर जनतेची सेवा करण्यासाठी यायचं आहे.पाकिस्तानला इस्लामिक कल्याणकारी राज्य बनवायचे आहे." असा संदेश त्यांनी आपल्या व्हिडिओतून दिलाय. सिंधू एनए १३० लाहोरचे उमेदवार आहेत. या जागेवरून पाकिस्तान मुस्लिम लीग-नवाझचे अध्यक्ष आणि माजी पंतप्रधान नवाझ शरीफ देखील निवडणूक लढवत आहेत.

सिंधूने आपल्या पक्षाचा सईदच्या संघटनेशी संबंध नसल्याचं सिंधूने म्हटलंय. २०१८ मध्ये मिल्ली मुस्लिम लीग (MML) हा जमात-उद-दावाचा राजकीय पक्ष होता. दरम्यान संयुक्त राष्ट्राने हाफिज सईदला दहशतवादी घोषित केलं असून त्याच्यावर १ कोटी डॉलरचं बक्षीस ठेवलंय. MMLवर बंदी घातल्यामुळे २०२४ च्या निवडणुकीसाठी PMML ची स्थापना करण्यात आली.