मोठी बातमी! माजी उपमुख्यमंत्र्यांना अटक, राजकारणात खळबळ

Udhayanidhi Stalin On CM Vijay Trisha Krishnan : तामिळनाडूचे विरोधी पक्षनेते आणि माजी उपमुख्यमंत्री उदयनिधी स्टॅलिन यांना अटक करण्यात आली आहे. प्रसिद्ध अभिनेत्री तृषा कृष्णण बद्दल केलेल्या वादग्रस्त आणि आक्षेपार्ह वक्तव्याप्रकरणी त्यांच्यावर गुन्हा दाखल करण्यात आला होता. तंजावूर पोलिसांचे पथक थेट त्यांच्या निवासस्थानी पोहोचले आणि त्यांना अटक करण्यात आले. त्याल्यानंतर तामिळनाडूमध्ये कार्यकर्त्यांनी जोरदार आंदोलन आणि घोषणाबाजी सुरू केली आहे.

तंजावूरमधील एका आंदोलनादरम्यान उदयनिधी स्टॅलिन यांनी दुहेरी अर्थाची आणि आक्षेपार्ह टिप्पणी केल्याचा आरोप आहे. या वक्तव्यानंतर राजकीय वर्तुळात प्रचंड गदारोळ उडाला असून महिला संघटनांनी आणि विरोधी पक्षांनी उदयनिधी यांच्यावर जोरदार हल्लाबोल केला आहे. या प्रकरणी तक्रार दाखल होताच पोलीस ॲक्शन मोडमध्ये आले असून उदयनिधी स्टॅलिन यांच्या घरभोवती मोठा पोलीस बंदोबस्त तैनात करण्यात आला आहे.ट

पीटीआय (PTI) या वृत्तसंस्थेने दिलेल्या माहितीनुसार, कावेरी पाणीप्रश्नावरून आयोजित करण्यात आलेल्या एका सार्वजनिक आंदोलनाला उदयनिधी स्टॅलिन संबोधित करत होते. आपल्या भाषणात त्यांनी तामिळनाडूचे मुख्यमंत्री सी. जोसेफ विजय यांच्यावर जोरदार हल्लाबोल केला.

"तामिळनाडूला कावेरी नदीच्या पाण्याचा एक थेंबही मिळालेला नाही, तरीही राज्याचे मुख्यमंत्री या गंभीर विषयावर पूर्णपणे उदासीन आहेत," असा घणाघाती आरोप उदयनिधी करत होते. त्यावेळी बोलताना त्यांची जीभ घसरली. त्या वक्तव्यानंतर तामिळनाडूत संतापाची लाट उसळली होती.