नवी दिल्ली : दिल्लीचे मुख्यमंत्री अरविंद केजरीवाल यांना सुप्रीम कोर्टाने मोठा झटका दिला आहे. सुप्रीम कोर्टाने अरविंद केजरीवाल यांना उन्हाळाच्या सुट्टीकालीन पीठाने जामीन वाढवण्याच्या याचिकेवर सुनावणी घेण्यास नकार दिला आहे. त्यामुळे आता मुख्यमंत्री अरविंद केजरीवाल यांना पुन्हा तिहार तुरुंगात जावं लागणार आहे.
अरविंद केजरीवाल यांनी तब्येत ठीक नसल्याच्या कारणावरून तपासण्या करण्यासाठी कोर्टाकडे वेळ मागितला आहे. केजरीवाल यांनी सुप्रीम कोर्टात मिळालेला जामीन वाढवण्यासाठी याचिका दाखल केली होती. मात्र सुप्रीम कोर्टाच्या उन्हाळ्याच्या सुट्टीकालीन पीठाचा जामीन वाढवण्याच्या याचिकेवर सुनावणी घेण्यास नकार दिला आहे.
सुप्रीम कोर्टातील न्यायमूर्ती महेश्वरी यांनी सरन्यायाधीशांकडे जाण्याचा सल्ला दिला आहे. सरन्यायाधीश यावर सुनावणी घेतील, असे न्यायमूर्ती महेश्वरी म्हणाले. सुप्रीम कोर्टाने तत्काळ सुनावणी करण्यास नकार दिला आहे. त्यामुळे आता अरविंद केजरीवाल यांना २ जूननंतर पुन्हा तिहार तुरुंगात जावं लागणार आहे.
दिल्लीचे मुख्यमंत्री अरविंद केजरीवाल यांनी जामीनाची मुदत वाढवून मिळण्यासाठी सुप्रीम कोर्टात अर्ज केला होता. केजरीवाल यांनी अंतरिम जामिनाची मुदत ७ दिवसांनी वाढवून मिळावी अशी विनंती केली होती.
अरविंद केजरीवाल सध्या लोकसभा निवडणुकीच्या प्रचारासाठी जामिनावर बाहेर आहेत. अरविंद केजरीवाल यांना २ जूनपर्यंत कोर्टात अंतरिम जामीन दिला होता. त्यानंतर आज सुप्रीम कोर्टाने जामीनाची मुदत वाढवण्याच्या याचिकेवर सुनावणी करण्यास नकार दिला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.