Shraddha Walker Case Update : आफताबची नार्को टेस्ट होणार, कोर्टाची परवानगी; मुंबईत आणणार?

Shraddha Walker Case Update News : श्रद्धा वालकर हत्या प्रकरणानं संपूर्ण देश हादरला आहे. या प्रकरणात रोज नवनवीन धक्कादायक खुलासे होत आहेत. आता आरोपी आफताब याच्या नार्को टेस्टलाही कोर्टानं परवानगी दिली आहे. त्यामुळे आणखी धक्कादायक खुलासे होण्याची शक्यता आहे.

श्रद्धा वालकर प्रकरणात रोज नवनवीन खुलासे समोर येत आहेत. आता आणखी मोठे आणि धक्कादायक खुलासे होतील अशी शक्यता आहे. आरोपी आफताबची कोठडी संपल्यानंतर त्याला आज, गुरुवारी पुन्हा साकेत कोर्टात हजर करण्यात आले. त्याला कोर्टानं पुन्हा ५ दिवसांची पोलीस कोठडी दिली आहे. तसेच यावेळी आफताबची नार्को चाचणी करण्यास कोर्टानं परवानगी दिली आहे. (Latest Marathi News)

श्रद्धा वालकर प्रकरणाचा तपास अधिक वेगाने होण्याची शक्यता आहे. पाच दिवसांत दिल्ली पोलीस पुन्हा आरोपी आफताबची चौकशी करणार आहेत. पोलीस कोठडीतील पाच दिवसांमध्ये आफताबला घेऊन दिल्ली पोलीस हे मुंबईला येण्याची शक्यता व्यक्त केली जात आहे. त्यामुळे तपासाची चक्रे अधिक वेगाने फिरतील. (Crime News)

व्हिडिओ कॉन्फरन्सिंगद्वारे कोर्टात केले हजर

श्रद्धा हत्याकांडातील आरोपी आफताबला व्हिडिओ कॉन्फरन्सिंगद्वारे साकेत कोर्टात हजर करण्यात आले. साकेत कोर्टानं आफताबच्या पोलीस कोठडीत पाच दिवसांची वाढ केली. पोलिसांनी कोर्टाकडे आफताबला १० दिवसांची पोलीस कोठडी द्यावी, अशी मागणी केली होती.