Shraddha Murder Case : श्रद्धाची निर्घृण हत्या करणारा आफताब पूनावाला कोण?

आफताब अमीन पूनावाला हा युनिक पार्क, वसई पश्चिम येथील रहिवासी आहे.

आफताबच्या कुटुंबात त्याचे आई-वडील आणि लहान भाऊ आहे. आफताबची आई गृहिणी असून वडील व्यापारी आहेत.

आफताबचे शिक्षण वसईतील सेंट फ्रान्सिस हायस्कूलमध्ये झाले.

आफताबने मुंबईतून बीएमएसची पदवी घेतली.सांताक्रूझ कॉलेजमधून बॅचलर ऑफ मॅनेजमेंट स्टडीजचेही शिक्षण घेतल्याचे सांगितले जात आहे, पण त्याने हा कोर्स मध्येच सोडला.

आफताब हा व्यवसायाने फूड ब्लॉगर आहेत. तो 'हंगेरी चोक्रो' नावाचा फूड ब्लॉग चालवतो.

दिल्लीत येण्यापूर्वी आफताब आणि श्रद्धा वसई पश्चिम येथील संस्कृती कॉम्प्लेक्समधील रिगल अपार्टमेंटमध्ये राहत होते.

आफताब व श्रद्धा यांची कॉलसेंटरमध्ये भेट झाली होती. २०१८पासून ते रिलेशनशिपमध्ये होते.

दोघांचे कुटुंबीय त्यांच्या नात्यावर खुश नव्हते. घरच्यांच्या विरोधामुळे दोघेही मुंबईहून दिल्लीला आले. दिल्लीत दोघेही मेहरौलीच्या छतरपूर भागात राहू लागले.

२०१९ पासून त्यांनी लिव्ह इन रिलेशनशिपमध्ये राहायला सुरुवात केली होती.

२०२२मध्ये कामानिमित्त आफताब व श्रद्धा दिल्ली येथे राहण्यास गेले होते. तेव्हापासून श्रद्धाच्या घरच्यांशी तिचे संपर्क तुटले होते.