Couple Tragedy : बायको ५ महिन्यांची प्रेग्नेंट, नवरा हनिमूनला घेऊन गेला, रोमान्स करताना रक्तस्त्राव झाला अन्...

महिलेच्या बाळंतपणात डॉक्टर वारंवार काळजी घेण्याच्या सूचना देतात. मात्र तरीही निष्काळजीपणा केला तर तो बाळाच्या आणि आईच्या जीवावर बेतू शकतो. अशीच एक घटना मलेशियन जोडप्यासोबत घडली आहे. पोटात पाच महिन्यांचं बाळ असताना हनिमूनला जाणं जोडप्याला महागात पडलं आहे. या हनिमून दरम्यान बाळाची प्रसूती ९ महिन्यांआधी झाल्याने बाळाची प्रकृती चिंताजनक असल्याचं डॉक्टरांचं म्हणणं आहे.

मिळलेल्या माहितीनुसार, बुकिट मेर्टाजम येथील लियांग ची लियांग (३२) आणि त्यांची पत्नी चान लुएन चियांग (२९) हे दोघेही मूळचे मलेशियाचे आहेत. बऱ्याच वर्षानंतर या जोडप्याला गोड बातमी मिळाली. तसेच ते परदेशी हनिमूनला जाण्यासाठी दीर्घकाळापासून पैशांची बचत करत होते. चान पाच महिन्यांची गरोदर असताना ती आणि तिच्या जोडीदाराने जपानला जायचा प्लॅन केला.

त्यांनी हनिमूनला जाण्यासाठी आगाऊ विमान आणि हॉटेल बुक केले होते. जपानमध्ये गेल्यावर हनीमूनच्या दरम्यान रोमान्स सुरु असताना चानला मोठ्या प्रमाणावर रक्तस्त्राव झाला. तिला तातडीने रुग्णालयात हलवण्यात आले. मात्र रुग्णालयात पोचण्यापूर्वीच चानच्या पोटी एका गोंडस मुलीने जन्म घेतला. परंतु या बाळाचा जन्म २२ आठवड्या पूर्वी झाल्याने त्याची प्रकृती अधिक नाजूक होती.

जन्माच्या वेळी बाळाचे वजन फक्त ४८० ग्रॅम होते. ही घटना डिसेंबरमध्ये घडली असून बाळ अजूनही आयसीयूमध्ये अतिदक्षता विभागात आहे. जपानी रुग्णालयात तिची प्रकृती अजूनही गंभीर आहे. ती खूपच लहान आणि कमकुवत असल्याने, मार्च २०२६ पर्यंत या जोडप्याला मलेशियाला परतणे शक्य नाही. वैद्यकीय खर्च अंदाजे ३ कोटी रुपये पर्यंत पोहोचू शकतो. कुटुंबाने सोशल मीडियावर मदत मागितली असून नेटकऱ्यांनी ३ दिवसांत या जोडप्याला मदत केली आहे. मलेशियन जोडप्याने आधीच डॉक्टरांचा सल्ला घेतला नव्हता, ज्यामुळे ही परिस्थिती निर्माण झाली.