Shocking : आजीच्या घरी येऊन जातो म्हणून नेलं निर्जनस्थळी अन्...; सीनियरकडून ११वीच्या विद्यार्थिनीवर बलात्कार

पंजाबच्या होशियारपूरमधून धक्कादायक घटना समोर आली आहे. ११वीच्या विद्यार्थिनीसोबत स्नॅपचॅटवर ओळख वाढवून एका तरुणाने तिच्यावर बलात्कार केल्याची संतापजनक घटना उघडकीस आली आहे. धक्कादायक म्हणजे तरुणाने शारीरिक संबंध ठेवताना व्हिडिओ चित्रित केला अन् तरुणीला व्हायरल करण्याची धमकी दिली. याप्रकरणी आता पोलीस ठाण्यात गुन्हा दाखल करण्यात आला असून पुढील तपास सुरु आहे. या घटनेने परिसरात संताप व्यक्त केला जात आहे.

मिळालेल्या माहितीनुसार, संबंधित पीडित तरुणी ही इयत्ता ११वीच्या वर्गात शिकते. आरोपी आणि तरुणी एका अकॅडमीमध्ये शिकतं होते. आरोपी तरुणीपेक्षा सिनियर होता. तिची आणि आरोपीची ओळख स्नॅप चॅटवर झाली. स्नॅपचॅटवर ओळख वाढवल्यावर दोघांमध्ये चांगली मैत्री निर्माण झाली. याचं मैत्रीचा फायदा घेत तरुणाने तिला आपल्या आजीच्या घरी नेतो सांगत आपल्यासोबत घेऊन गेला. मात्र त्याने आजीच्या घरी न नेता पीडितेला भलत्याच ठिकाणी नेले आणि त्यानंतर जे घडलं ते भयंकर होतं.

घटनास्थळी पोचल्यावर तरुणाने पीडितेवर जबरदस्ती लैंगिक अत्याचार केले. याचं वेळेस त्याने तिला धमकावत शारीरिक संबंध ठेवताना व्हिडिओचे चित्रीकरण केले. या चित्रीकरणाचा फायदा घेत तरुणाने तिला घडलेला प्रकार कोणालाही न सांगण्याची धमकी दिली. तसेच उकळण्यात आले. या घटनेनंतर तरुणी घाबरली. तिने सुरुवातीला कुटुंबियांना घडलेला कोणताही प्रकार सांगितला नाही. परंतु आरोपीकडून होणारा मानसिक आणि शारीरिक छळाला कंटाळून पीडितेने आपल्या आईला घडलेला प्रकार सांगितला.

घडलेला प्रसंग ऐकताच कुटुंबियांच्या जमीन हादरली. पीडितेच्या आईने रविवारी पोलीस ठाण्यात जात संबंधित आरोपी विरोधात तक्रार दाखल केली. या तक्रारीवरून पोलिसांनी आरोपी तरुणाविरोधात गुन्हा दाखल केला आहे. आरोपीविरोधात पॉक्सो अंतर्गत आणि इतर कलमांखाली गुन्हा दाखल करण्यात आला आहे. दरम्यान पोलिसांनी घटनेचे गांभीर्य लक्षात घेत तपासाची चक्रे वेगाने फिरवत आरोपीला ताब्यात घेतले आहे. याप्रकरणी पुढील तपास सुरु आहे. या घटनेने पुन्हा एकदा मुलींच्या सुरक्षिततेवर प्रश्न निर्माण झाले आहेत.