Accident: सौदी अरेबियामध्ये भीषण अपघात! भाविकांच्या बसला डिझेल टँकरची धडक, मक्काला गेलेल्या ४२ भारतीयांचा मृत्यू

Summary -

• सौदी अरेबियामध्ये हज यात्रेकरूंच्या बसला भीषण अपघात झाला

• यात्रेकरूंच्या बसला डिझेल टँकरने जोरदार धडक दिली

• अपघातानंतर बसने पेट घेतला

• या अपघातामध्ये ४२ भारतीयांचा मृत्यू झाला

सौदी अरेबियामध्ये सोमवारी भीषण रस्ते अपघात झाल्याची घटना घडली. मक्कामध्ये मदीनाला जाणाऱ्या भाविकांच्या बसला डिझेलच्या टँकरने जोरदार धडक दिली. हा अपघात इतका भीषण होता की अपघातानंतर बसने आणि डिझेल टँकरने पेट घेतला. या भयंकर अपघातामध्ये अनेक जण जिवंत जळाले. अपघातामध्ये ४२ भारतीय नागरिकांचा मृत्यू झाल्याची माहिती समोर आली आहे.

मिळालेल्या माहितीनुसार, सौदी अरेबियाच्या मदीनाजवळ ही भीषण अपघाताची घटना घडली. या अपघातामध्ये ४२ भारतीय नागरिकांचा मृत्यू झाला. हे सर्वजण भारतातून मक्का येथे उमराह करण्यासाठी गेले होते. उमराह करण्यासाठी निघालेल्या भाविकांना घेऊन ही बस मक्कावरून मदीनाला जात होती. याचवेळी महामार्गावर या बसला डिझेलच्या टँकरने धडक दिली.

टँकरने धडक दिल्यानंतर बसने पेट घेतला. त्यामुळे बसमधील भाविकांना बाहेर पडता आले नाही. या अपघातामध्ये भाविक जिवंत जळाले. या अपघातामध्ये ४२ भारतीयांचा मृत्यू झाला. हे सर्वजण हैदराबादचे होते अशी माहिती समोर आली आहे. बसमधून ४३ जण प्रवास करत होते. याअपघातामध्ये बस पूर्णपणे जळून खाक झाली.

या अपघातामध्ये फक्त एकच व्यक्ती बचावली. ही व्यक्ती गंभीर जखमी झाली असून उपचारासाठी रुग्णालयात दाखल करण्यात आले आहे. भारतीय वेळेनुसार हा अपघात मध्यरात्री १.३० वाजताच्या सुमारास मुफ्रीहाट परिसरात झाला. मृतांमध्ये महिला आणि मुलांचा देखील समावेश आहे. बसमध्ये असणाऱ्या ४३ प्रवाशांमध्ये २० महिला आणि ११ मुलं होती.