Shocking: किराणा दुकानात प्रेम जुळलं, अवैध संबंधासाठी पतीचा काटा काढला; २ लाखांत पत्नीनं रचला रक्तरंजित खेळ

अवैध संबंधातून पत्नीने प्रियकराच्या मदतीने पतीची निर्घृण हत्या केली आहे. पतीचा काटा काढण्यासाठी तिने मारेकऱ्यांना २ लाख रूपये दिले होते. ही धक्कादायक घटना राजस्थानमधील अलवर जिल्ह्यातील खेडली पोलीस स्टेशन परिसरात घडली असून, पोलिसांना याची माहिती मिळताच त्यांनी तपास करून आरोपींना बेड्या ठोकल्या आहेत. पुढील तपास पोलिसांकडून सुरू आहे.

अनिता राज आणि काशी असे आरोपींची नावे आहेत. मृत व्यक्तीची पत्नी अनिता राज हिचे किराणाचे दुकान आहे. अनिता राजच्या किराणा दुकानात आरोपी रोज येत होता. तो दुकानातून सामान घ्यायचा. याच काळात अनिता आणि राज दोघांमधील मैत्री वाढली. मैत्रीचं रूपांतर प्रेमात झालं. घरात कुणी नसताना आरोपी अनिताच्या घरी यायचा. दोघांनी संमंतीने शारिरीक संबंध ठेवलं.

या सगळ्यात प्रेयसीचा नवरा म्हणजेच वीरू जाटव प्रेमात अडथळा ठरत होता. यामुळे दोघांनी मिळून पतीचा काटा काढण्याचा प्लॅन रचला. ८ जून रोजी त्यांनी प्लॅन अंमलात आणण्याचं ठरवलं. पतीचा काटा काढण्यासाठी त्यांनी चार सराईत गुन्हेगारांना बोलावून घेतलं. यासाठी त्यांनी मारेकऱ्यांना २ लाख रूपये दिले. प्लॅननुसार, पत्नीने आधी पतीला दारू पाजली. नंतर वीरू झोपला. त्यानंतर त्याचा गळा आवळून खून केला. नंतर आरोपी घटनास्थळावरून फरार झाले.

याची माहिती मृत व्यक्तीच्या घरच्यांना मिळाल्यानंतर त्यांनी पोलीस ठाण्यात धाव घेतली. मृत वीरूच्या भावाने यासंदर्भात आरोपींच्या विरोधात पोलीस ठाण्यात तक्रार दाखल केली. या प्रकरणी पोलिसांनी तपास करून पत्नी अनिता राज, प्रियकर काशी आणि कॉन्ट्रॅक्ट किलर विश्वेंद्र जाटव या तिघांना अटक केली आहे.