राहुल गांधींना भाजप नेत्याकडून टीव्ही शोदरम्यान थेट जीवे मारण्याची धमकी दिली.
काँग्रेसने गृहमंत्री अमित शहा यांना पत्र पाठवत तात्काळ कारवाईची मागणी केली.
राहुल गांधींच्या सुरक्षेबाबत काँग्रेसकडून चिंता व्यक्त केली जात आहे.
काँग्रेसचे नेते राहुल गांधी यांना जीवे मारण्याची धमकी देण्यात आली आहे. भाजप प्रवक्त्याने थेट टीव्ही चर्चेदरम्यान राहुल गांधी यांना जीवे मारण्याची उघड धमकी दिली. याचा काँग्रेस पक्षाने तीव्र निषेध केला आहे. काँग्रेसने या प्रकरणी थेट गृहमंत्री अमित शहा यांना पत्र लिहिले आणि भाजप प्रवक्त्याविरोधात तात्काळ कारवाई करण्याची मागणी केली आहे. काँग्रेसने सांगितले की, 'जर सरकार या प्रकरणी कारवाई करण्यात अपयशी ठरले तर ते लोकसभेतील विरोधी पक्षनेत्याविरोधात झालेल्या हिंसाचारात सहभागी असल्याचे मानले जाईल.'
काँग्रेस नेत्यांनी गृहमंत्री अमित शहा यांना पत्र पाठवले आहे. केंद्रीय गृहमंत्र्यांना लिहिलेल्या पत्रात वेणुगोपाल यांनी केरळचे माजी एबीव्हीपी अध्यक्ष आणि नेते प्रिंटू महादेव यांनी राहुल गांधींना दिलेल्या धमकीचा थेट उल्लेख केला. काँग्रेस नेत्यांनी दावा केला की, भाजपचे प्रवक्ते महादेव यांनी मल्याळम टीव्ही चॅनेलवरील एका चर्चेदरम्यान राहुल गांधींच्या धमकीबाबत टिप्पणी केली.
काँग्रेस नेते म्हणाले, 'हिंसाचार भडकवण्याच्या निर्लज्ज कृत्यात महादेव यांनी उघडपणे जाहीर केले की राहुल गांधींना छातीत गोळी मारली जाईल. हे फक्त जीभ घसरणं नाही किंवा निष्काळजीपणाने केलेली टिप्पणी नाही. ही विरोधी पक्षनेत्याला जाणूनबुजून आणि भयानक जीवे मारण्याची धमकी आहे.
काँग्रेसच्या सरचिटणीसाने सांगितले की, 'सत्ताधारी पक्षाच्या अधिकृत प्रवक्त्याने अशा विषारी शब्दांचा वापर केल्याने केवळ राहुल गांधींच्या जीवाला धोका निर्माण होत नाही तर संविधान, कायद्याचे राज्य आणि प्रत्येक नागरिकाच्या मूलभूत सुरक्षा हमींनाही धक्का बसतो. विरोधी पक्षनेत्याला तर सोडाच.'
वेणुगोपाल यांनी सांगितले की, 'त्यांनी राहुल गांधींच्या सुरक्षेची जबाबदारी असलेल्या सीआरपीएफला या धमकीबाबत अनेक पत्रे लिहिली आहेत. काँग्रेस अध्यक्ष मल्लिकार्जुन खर्गे यांना उद्देशून लिहिलेले असेच एक पत्र माध्यमांनाही लीक झाले आहे. यामुळे यामागील हेतूबद्दल गंभीर प्रश्न उपस्थित होतात. हे केवळ चिंताजनकच नाही तर पूर्णपणे निषेधार्ह देखील आहे. भाजप प्रवक्ते उघडपणे जीवे मारण्याच्या धमक्या देत आहेत ज्यामुळे राहुल गांधींविरुद्ध हिंसाचाराला वैध ठरवण्यासाठी एक मोठे आणि भयानक कट रचले जात असल्याचे दिसून येते.'
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.