केरळमधील वायनाड लोकसभा मतदारसंघाच्या पोटनिवडणुकीसाठी काँग्रेस सरचिटणीस प्रियंका गांधी वड्रा यांनी आपला उमेदवारी अर्ज दाखल केला आहे. यावेळी यावेळी त्यांच्यासोबत काँग्रेस अध्यक्ष मल्लिकार्जुन खरगे, आई सोनिया भाई आणि राहुल गांधी उपस्थित होते.
याआधी वायनाड लोकसभा मतदारसंघातून पोटनिवडणूक लढवत असलेल्या प्रियंका गांधी यांच्या प्रचारात विरोधी पक्षनेते राहुल गांधी यांनीही सहभाग घेतला. वायनाडमध्ये प्रचार करताना ते म्हणाले की, येथून तुमचे लोकसभेत दोन खासदार असतील. एक अधिकृतपणे प्रियंका गांधी असणार आणि दुसरा मीही तुमचा खासदार आहे.
प्रियंका यांनी उमेदवारी अर्ज दाखल केल्यानंतर राहुल गांधी म्हणाले की, मी अजूनही तुमचा खासदार आहे. राहुल गांधी यांनी 2024 ची सार्वत्रिक निवडणूक वायनाड आणि रायबरेलीमधून लढवली होती. दोन्ही जागांवर ते विजयी झाले होते. मात्र निकाल आल्यानंतर त्यांनी वायनाडमधून आपल्या खासदारकीचा राजीनामा दिला होता.
राहुल गांधी यांच्या राजीनाम्यानंतरच काँग्रेसने त्यांच्या जागी प्रियंका गांधी निवडणूक लढवण्याचा निर्णय घेतला होता. मात्र निवडणुकीचा कार्यक्रम जाहीर झाल्यानंतर त्यांच्या नावाची घोषणा करण्यात आली. प्रियांका गांधी यांची ही पहिलीच लोकसभा निवडणूक असेल. राहुल गांधी वायनाडमध्ये म्हणाले, ''मला वाटतं तुम्ही हे नातं चांगल्या प्रकारे समजू शकता. वायनाडच्या लोकांशी माझे विशेष नाते आहे. वायनाडने माझ्यासाठी जे केले ते शब्दात मांडता येणार नाही. जेव्हा भावना खूप जास्त असतात तेव्हा त्या काही कृतीतूनच व्यक्त होऊ शकतात.''
राहुल गांधी म्हणाले, ''मला तुम्हाला आठवण करून द्यायची आहे की, वायनाड ही देशातील एकमेव जागा असेल जिथे दोन खासदार असतील. एक अधिकृत आणि एक अशासकीय. तुमचे दोन्ही खासदार तुमचे हित जपण्याचे काम करतील.''
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.