Kolkata Airport News : बॉम्ब.. बॉम्ब... विमानात तरुणाची आरडाओरड; कोलकाता विमानतळावर सुरक्षा यंत्रणांची पळापळ

New Delhi : कोलकाता विमानतळावरील विमानात बॉम्ब असल्याचे चर्चेने एकच खळबळ उडाली. कोलकाताहून दोहाला जाणाऱ्या कतार एअरवेजच्या विमानात हा सगळा प्रकार घडला आहे. विमानातील एका तरुणाने विमानात बॉम्ब असल्याची ओरड सुरू केल्याने गोंधळ उडाला. या गदारोळानंतर क्रू मेंबर्सनी सीआयएसएफकडे तक्रार केल्यानंतर विमानात शोध घेण्यात आला.

मात्र रुणाच्या वडिलांनी त्याची मानसिक स्थिती ठीक नसल्याचे अधिकाऱ्यांना सांगितले. मात्र तरुणाने बॉम्ब असल्याची ओरड केल्यानंतर विमानतळ सुरक्षा यंत्रणा तातडीने कामाला लागली आणि काही वेळातच सुरक्षा कर्मचाऱ्यांनी तातडीने सर्व प्रवाशांना विमानातून सुखरूप बाहेर काढले. (Latest Marathi News)

चौकशीदरम्यान तरुणाने दावा केला की त्याला विमानात बॉम्ब असल्याची माहिती कोणीतरी दिली. मात्र त्या तरुणाच्या वडिलांनी आपल्या मुलाची मानसिक स्थिती ठीक नसल्याचे अधिकाऱ्यांना सांगितले. याबाबत त्यांनी सीआयएसएफ अधिकाऱ्यांना कागदपत्रेही दाखवली.

विमानातील बॉम्बच्या अफवेने विमानच्या उड्डाणाला उशीर झाला. सर्वप्रथम सुरक्षा रक्षकांनी विमानातील प्रवाशांना बाहेर काढलं आणि विमानाची तपासणी करण्यात आली. मात्र विमानात काहीही संशयास्पद वस्तू न आढळल्याने विमानाला टेक ऑफची परवानगी देण्यात आली.