PM Modi slams Rahul Gandhi : 'राजपुत्रा'च्या काकांनी भारतीयांचा अपमान केला; पित्रोदांच्या विधानावरुन PM मोदींची राहुल गांधीवर टीका

तेलंगणा : पंतप्रधान नरेंद्र मोदी यांनी सॅम पित्रोदाच्या विधानावरून राहुल गांधींवर टीका केलीय. तेलंगणाच्या वारंगलमधील प्रचारसभेत बोलतांना मोदींनी राहुल गांधींवर घणाघाती टीका केलीय. राजपुत्राच्या काकांनी भारतीयांच्या अपमान केलाय. काळे रंगाची त्वचा असलेले लोक हे आफ्रिकेचे असतात का? असा प्रश्न पंतप्रधान मोदींनी केलाय.

राहुल गांधी आणि सॅम पित्रोदा यांच्यावर टीका करताना पंतप्रधान नरेंद्र मोदी खूप रागावले होते. राजपुत्राच्या काकांनी जी भाषा वापरली आहे, त्याचा मला राग आलाय. संविधान डोक्यावर ठेवणारे आज अशाप्रकारे देशाचा अपमान करत आहेत. मला तुम्हा सर्वांना विचारायचे आहे ज्यांची त्वचा काळी आहे ते आफ्रिकेतील आहेत का? या लोकांनी त्वचेच्या रंगाच्या आधारे माझ्या देशाचा अपमान केलाय, अस म्हणत मोदींनी राहुल गांधी आणि सॅम पित्रोदा यांच्यावर टीका केलीय.