पंतप्रधान नरेंद्र मोदी आज पश्चिम बंगालच्या दौऱ्यावर आहेत. पश्चिम बंगालच्या दौऱ्यावरील जाहीर सभेत पंतप्रधान नरेंद्र मोदींनी इंडिया आघाडीवर जोरदार टीका केली. इंडिया आघाडीच्या नेत्यांनी डोळे, कान, नाक , तोंड हे महात्मा गांधींच्या तीन माकडांसारखं बंद केले आहेत, असा घणाघात पंतप्रधान मोदींनी केला. (Latest Marathi News)
पश्चिम बंगालमधील सभेत पंतप्रधान नरेंद्र मोदी म्हणाले, 'टीएमसीने पश्चिम बंगालमध्ये अत्याचार आणि भ्रष्टाचाराला प्रोत्साहन दिलं आहे. पश्चिम बंगालमधील स्थिती संपूर्ण देश पाहत आहेत. 'माँ,माटी , मानुष' चा संदेश देणाऱ्या बहिणीने लोकांसोबत जे केलं, ते पाहून देश दुखी आहे'.
पंतप्रधान नरेंद्र मोदी पुढे म्हणाले, 'माता आणि भगिनींसोबत झालं, त्याचा बदला तुम्ही घेणार आहात का? बंगालची जनता ममता दीदींना सवाल करत आहे. काही लोकांची मते ममता दीदींना महिला वर्गापेक्षा महत्वाची आहेत. इंडिया आघाडीच्या नेत्यांनी महत्मा गांधी यांच्या तीन माकडांसारखे डोळे, नाक, कान , तोंड केले आहे'. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
'इंडिया आघाडीचे नेते भ्रष्टाचारी, घराणेशाही, ध्रुवीकरणाला प्रोत्साहन देणारे आहेत. टीएमसी पश्चिम बंगालमध्ये अत्याचाराचं नव मॉडेल तयार करत आहेत. टीएमसीने प्राथमिक शिक्षक घोटाळा केला. म्युनिसिपालिटी भरती घोटाळा केला. गरीब लोकांच्या रेशन योजनेतही घोटाळा केला, असा आरोप पंतप्रधान मोदींना केला.
'गरिबांच्या जमीनीवर बळजबरीने सीमेवर प्राण्यांची तस्करी असेल. तर टीएमसीने भ्रष्टाचाराचं कोणतही क्षेत्र सोडलं नाही. टीएमसी मंत्र्यांच्या घरातून नोटांचं बंडल मिळाले आहेत. पश्चिम बंगालमध्ये केंद्रीय तपास यंत्रणांना रोखलं जात आहे, असा आरोप पंतप्रधान नरेंद्र मोदी यांनी केली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.