Pm Modi America Visit: 'एक भविष्य, एक पृथ्वी, एक व्यक्ती', पंतप्रधान मोदींचा योग दिनी अमेरिकेत नारा

International Yoga Day 2023: 'एक भविष्य, एक पृथ्वी, एक व्यक्ती', असा नारा पंतप्रधान नरेंद्र मोदी यांनी योग दिनी दिला आहे. आज जगभरात योग दिवस साजरा केला जात आहे.

यातच पंतप्रधान नरेंद्र मोदी (Pm Narendra Modi) तीन दिवसांच्या अमेरिकेच्या दौऱ्यावर आहेत. याच दौऱ्यादरम्यान पंतप्रधान मोदी यांनी अमेरिकेत योग दिन साजरा केला. यावेळी उपस्थितांना संबोधित करताना त्यांनाही हा नारा दिला आहे. योग दिनानिमित्त अमेरिकेत आयोजित या कार्यक्रमात १८० देशातील प्रतिनिधी सहभाग घेतला होता.

'योग भारतातून आला, पण त्यावर कोणताही कॉपीराइट नाही'

यूएन मुख्यालयात झालेल्या या कार्यक्रमात पंतप्रधान मोदी म्हणाले की, ''योग भारतातून आला आहे, परंतु त्यावर कोणताही कॉपीराइट नसून तो रॉयल्टी इत्यादीपासून मुक्त आहे. कोणत्याही वयोगटातील लोक हे करू शकतात.'' "संपूर्ण जग योगासाठी पुन्हा एकत्र आले हे पाहून आनंद झाला, असंही ते म्हणाले आहेत.  (Latest Marathi News)

याच कार्यक्रमात यूएनमधील भारताच्या राजदूत रुचिरा कंबोज यांनी आपल्या भाषणात म्हटले आहे की, ''आजचा दिवस खूप खास आहे, कारण लोक पंतप्रधान मोदींसोबत योग करतील.'' त्या पुढे म्हणाल्या की, ''मोदींच्या नेतृत्वाखालीच २१ जून हा आंतरराष्ट्रीय योग दिवस म्हणून घोषित करण्यात आला.''

दरम्यान, आपल्या दौऱ्यात पंतप्रधान नरेंद्र मोदी अमेरिकन काँग्रेसच्या संयुक्त सभागृहालाही संबोधित करणार आहेत. २३ जून रोजी अमेरिकेच्या उपराष्ट्रपती कमला हॅरिस आणि अमेरिकेचे परराष्ट्र मंत्री अँटोनी ब्लिंकन संयुक्तपणे पीएम मोदींच्या स्वागतासाठी डिनरचे आयोजन केले आहे. याव्यतिरिक्त पीएम मोदी हे सीईओ आणि भारतीय डायस्पोरा यांच्यासह इतर वरिष्ठ अधिकाऱ्यांची भेट घेणार आहेत.