PM Modi आजपासून 3 दिवसांच्या गुजरात दौऱ्यावर, विधानसभा निवडणुकीपूर्वी विकासाचा 'बूस्टर डोस' देणार

Narendra Modi Gujarat Visit: पंतप्रधान नरेंद्र मोदी (PM Narendra Modi)आजपासून ते 11 ऑक्टोबरपर्यंत तीन दिवसीय गुजरात (Gujarat) दौऱ्यावर आहेत. यानंतर पंतप्रधान मोदी 11 ऑक्टोबरला मध्य प्रदेशच्या दौऱ्यावर जाणार आहेत. पंतप्रधान आज मेहसाणातील मोढेरा येथून आपल्या दौऱ्याला सुरुवात करणार आहेत. येथे ते सायंकाळी साडेपाच वाजता विविध प्रकल्पांचे उद्घाटन आणि पायाभरणी करतील. सायंकाळी 6.45 वाजता मोढेश्वरी माता मंदिरात दर्शन व पूजा, साडेसात वाजता सूर्यमंदिराचे दर्शन घेणार. (PM Modi Gujarat Visit)

पंतप्रधान नरेंद्र मोदी यांचा 10 ऑक्टोबरचा दौराही व्यस्त असणार आहे. भरूचमध्ये सकाळी 11 वाजता ते विविध प्रकल्पांचे उद्घाटन करतील. दुपारी 3.15 वाजता मोदी अहमदाबादमधील शैक्षणिक संकुलाचे उद्घाटन करतील. यानंतर ते जामनगरमध्ये सायंकाळी 5.30 वाजता विविध प्रकल्पांचे उद्घाटन आणि पायाभरणी करतील. (Tajya News)

पंतप्रधान 11 ऑक्टोबर रोजी दुपारी 2:15 वाजता अहमदाबादच्या सिव्हिल हॉस्पिटल असरवा येथे विविध प्रकल्पांचे उद्घाटन आणि पायाभरणी करतील, त्यानंतर ते मध्य प्रदेशला रवाना होतील. तेथे पोहोचल्यानंतर ते उज्जैन येथील श्री महाकालेश्वर मंदिरात जाणार आहेत. यानंतर ते संध्याकाळी 6.30 वाजता श्री महाकाल लोक राष्ट्राला समर्पित करतील आणि सायंकाळी 7.15 वाजता उज्जैनमध्ये सार्वजनिक कार्यक्रमाला उपस्थित राहतील.