Paasport Fees : पासपोर्ट काढणं महागलं! केंद्र सरकारनं वाढवली फी, आता किती रुपये मोजावे लागणार?

जर तुम्हाला नवीन पासपोर्ट काढायचा आहे किंवा जुन्या पासपोर्टचं नुतनीकरण करून घ्यायचं आहे, तर तुमच्यासाठी अत्यंत महत्वाची बातमी आहे. परराष्ट्र मंत्रालयानं पासपोर्टसाठी सुधारित शुल्क जाहीर केले आहेत. पासपोर्टसाठीचे नवे शुल्क १ जुलै २०२६ पासून लागू होणार आहे.

सरकारने पासपोर्ट नियम १९८० मध्ये बदल केला आहे. सर्वसाधारण (Normal Paasport) आणि तात्काळ (Tatkaal Paasport) अशा दोन्ही पासपोर्ट सेवांच्या शुल्कात वाढ केली आहे. जर जुन्या शुल्कानुसार पासपोर्ट तयार करायचा असल्यास १ जुलै २०२६ पूर्वीच अर्ज दाखल करण्याचे आवाहन नागरिकांना करण्यात आले आहे.

१८ वर्षांवरील नागरिकांसाठी नवे शुल्क (new passport fees for normal and tatkal services)

• ३६ पानी नवे किंवा रि-इश्यू पासपोर्ट - २५०० रुपये (सर्वसाधारण), ५००० रुपये (तात्काळ)

• ६० पानी नवे / रि-इश्यू पासपोर्ट - ३५०० रुपये (सर्वसाधारण), ६००० रुपये (तात्काळ)

• हरवल्यास किंवा फाटल्यास ३६ पानी पासपोर्ट - ५००० रुपये (सर्वसाधारण), ७५०० रुपये (तात्काळ)

• पासपोर्ट हरवल्यास किंवा फाटल्यास ६० पानी पासपोर्टसाठी - ६००० रुपये (सर्वसाधारण), ८५०० रुपये (तात्काळ)

१८ वर्षांखालील मुलांसाठी नवे शुल्क

• ३६ पानी नवे किंवा रि-इश्यू पासपोर्ट - १७५० रुपये (सर्वसाधारण), ४२५० रुपये (तात्काळ)

• हरवल्यास किंवा फाटल्यास ३६ पानी पासपोर्ट - ४२५० रुपये (सर्वसाधारण), ६७५० रुपये (तात्काळ)

• अन्य आवश्यक सेवांसाठी नवे शुल्क

• पोलीस क्लिअरन्स सर्टिफिकेट (PCC) - ७५० रुपये

• सर्टिफिकेट ऑफ आयडेंटिटी - १००० रुपये

• इमर्जन्सी सर्टिफिकेट (विदेशात) १५ अमेरिकी डॉलर

जुने शुल्क किती होते?

आतापर्यंत ३६ पानी नवं पासपोर्ट तयार करण्यासाठी किंवा नुतनीकरणासाठी १५०० रुपये शुल्क आकारले जात होते. आता हेच नवे शुल्क २५०० रुपये करण्यात आले आहे. ६० पानी पासपोर्टसाठी यापूर्वी २००० रुपये द्यावे लागत होते. आता ३५०० रुपये शुल्क आकारण्यात येणार आहे. तर हरवले किंवा फाटले तर ३६ पानी पासपोर्टचे शुल्क ३००० रुपये होते, त्यात वाढ करून ५००० रुपये करण्यात आले आहे. तर ६० पानी पासपोर्टचे शुल्क ३५०० रुपयांवरून ६००० रुपये करण्यात आले आहे.