SBI Order Over Rs2000 Notes: 2000 च्या नोटा बदलण्याबाबत स्टेट बँक ऑफ इंडियाची महत्त्वाची सूचना; नागरिकांचा संभ्रम दूर

SBI Order Over Rs2000 Notes: एसबीआयने सर्व शाखांना कोणत्याही गैरसोयीशिवाय नोटांची देवाणघेवाण करण्यासाठी सुलभ आणि उत्तम प्रणाली तयार करण्यास सांगितले आहे.
SBI
SBI Saam TV

SBI Order Over Rs2000 Notes:  रिझर्व्ह बँक  ऑफ इंडियाने (RBI) 2,000 रुपयांच्या नोटा चलनातून मागे घेण्याची घोषणा केली. ज्या नागरिकांकडे 2000 रुपयांच्या नोटा असतील त्यांना 23 मे ते 30 सप्टेंबर 2023 पर्यंत या काळात आपल्या नोटा बदली करुन मिळणार आहेत. स्टेट बँक ऑफ इंडियाने (SBI) 2000च्या नोटा बदलण्याबाबत मार्गदर्शक सूचना जारी केली आहेत.

एसबीआयने त्यांच्या सर्व शाखांना मार्गदर्शक सूचना दिल्या आहेत. एसबीआयच्या ग्राहकांना 2,000 रुपयांच्या 20,000 रुपयांपर्यंतच्या  नोटा कोणत्याही फॉर्म किंवा स्लिपशिवाय बदलण्याची सुविधा देत आहे. या अंतर्गत 2000 च्या नोटा बदलणे सोपे होणार आहे. एसबीआयने सर्व शाखांना कोणत्याही गैरसोयीशिवाय नोटांची देवाणघेवाण करण्यासाठी सुलभ आणि उत्तम प्रणाली तयार करण्यास सांगितले आहे.

SBI
RBI Decision on Rs 2000 Note: 2000ची नोट असणाऱ्यांकडे काय पर्याय आहेत? नीट समजून घ्या

ओळखीच्या पुराव्याची आवश्यकता नाही

2,000 रुपयांच्या 10 नोटा म्हणजेच 20,000 रुपयांपर्यंतच्या नोटा बदलण्यासाठी कोणत्याही ओळखीच्या पुराव्याची आवश्यकता नाही. यापूर्वी सोशल मीडियावर अशा शक्यता वर्तवल्या जात होत्या की, 2000 रुपयांच्या नोटा जमा करण्यासाठी फॉर्म भरावा लागेल आणि आधार कार्ड द्यावे लागेल. तुमचे बँक खाते SBI किंवा कोणत्याही बँकेत नसेल तरी देखील तुम्ही बँकेत जाऊन तुमच्याकडे जमा केलेल्या 2000 च्या नोटा इतर नोटांमध्ये बदलून घेऊ शकता. (Latest Marathi News)

कोणत्याही प्रकारची गैरसोय टाळण्यासाठी, RBI ने सामान्य लोकांना 30 सप्टेंबर 2023 पर्यंत निर्धारित वेळेत त्यांच्या सोयीनुसार नोटा बदलण्यास सांगितले आहे. मात्र, ती कायदेशीर निविदाच राहणार असल्याचे आरबीआयने स्पष्ट केले आहे. याचा अर्थ असा की जर तुमच्याकडे 2,000 रुपयांची नोट (2000 रुपयांची नोट) असेल तर त्याची वैधता कायम राहील. तुम्ही याद्वारे 30 सप्टेंबर 2023 पर्यंत व्यवहार करू शकता.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com