देशभरात महिला अत्याचाराच्या घटनांमध्ये वाढ झाल्याचं चित्र आहे. अशातच राजस्थानच्या अलवरमधून एक धक्कादायक बातमी समोर येत आहे. अलवरमध्ये चार नरधमांनी मिळून NEETच्या परीक्षेची तयारी करणाऱ्या एका विद्यार्थीनीवर लैंगिक अत्याचार केला आहे. तसेच तिला रूग्णालयाजवळ सोडून पळ काढला आहे. अत्याचारादरम्यान, त्यांनी व्हिडिओही काढला. या प्रकरणी पीडित मुलीच्या वडिलांनी पोलीस ठाण्यात धाव घेत आरोपींविरोधात तक्रार दाखल केली असून, पुढील तपास सुरू आहे.
पोलीस स्टेशन अधिकारी दिनेश मीणा यांनी या घटनेसंदर्भात दिलेल्या माहितीनुसार, पीडित मुलगी भिवाडी येथील रहिवासी आहे. ती अलवरमध्ये तिच्या भावासोबत भाड्याच्या खोलीत राहत होती. तसेच ती NEETच्या परिक्षेची तयारी करत होती. मुलगी कोचिंग क्लासला टेम्पोने जात होती. टेम्पोमधून जात असताना टेम्पोमध्ये ४ आरोपीही उपस्थित होते.
आरोपींनी टेम्पोमध्ये कुणीही नसल्याचा फायदा घेत मुलीचं तोंड दाबलं आणि तिचं अपहरण केलं. तसेच तिला निर्जन ठिकाणी नेलं. अंधारात निर्जन ठिकाणी घेऊन गेल्यानंतर नराधमांनी मुलीवर लैंगिक अत्याचार केला. बलात्कार केल्यानंतर नराधमांनी मुलीला एका रूग्णालयाबाहेर सोडून तेथून पळ काढला. या घटनेनंतर मुलगी कशीतरी घरी पोहोचली आणि तिने कुटुंबाला याची माहिती दिली. यानंतर कुटुंबातील सदस्यांनी थेट पोलिसांकडे धाव घेत आरोपींविरोधात तक्रार दाखल केली.
यादरम्यान, नराधमांनी लैंगिक अत्याचार करत असताना व्हिडिओ देखील शूट केल्याची माहिती समोर आली आहे. या घटनेनंतर मुलीला रूग्णालयात पुढील उपचारासाठी दाखल करण्यात आले असून, या प्रकरणी पोलीस चार नराधमांचा शोध घेत आहेत. या घटनेनंतर परिसरात एकच खळबळ उडाली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.