मोनोक्लोनल अँटीबॉडी डेल्टा प्रकारावर रामबाण उपाय; संशोधनात मोठा दावा

कोरोना विषाणूच्या (Corona Virus) साथीबाबत रोज नवनवीन अभ्यास केले जात आहेत. एका नवीन अभ्यासातून समोर आले आहे की मोनोक्लोनल अँटीबॉडी-ड्रग कॉकटेल (Monoclonal Antibodies) मृत्यूच्या जोखमीपासून आणि कोविड 19 डेल्टा प्रकारापासून 100 टक्के संरक्षण प्रदान करते. मोनोक्लोनल अँटीबॉडी-ड्रग कॉकटेलने जगभरातील डॉक्टरांना COVID-19 साठी एक चमत्कारिक उपचार म्हणून आकर्षित केले आहे. अमेरिकेचे माजी राष्ट्राध्यक्ष डोनाल्ड ट्रम्प (Donald Trump) यांच्यावर जेव्हा त्याची चाचणी घेण्यात आली तेव्हा हे प्राथमिक वैज्ञानिक पुरावे पुरेसे नव्हते. ते किती प्रभावित आहे याचे पुरावे नव्हते आणि डेल्टा व्हेरिंटचा अभ्यास देखील झाला नव्हता.

डेल्टा वेरिएंटची 'ही' थेरपी वरदान

आयजी हॉस्पिटल्स, एशियन हेल्थकेअर फाऊंडेशन, CCMB हैदराबाद आणि इन्स्टिट्यूट ऑफ लाइफ सायन्सेस यांच्या सहकार्याने, मोनोक्लोनल थेरपीमुळे कोविड-19 च्या डेल्टा प्रकाराने संसर्ग झालेल्या जास्त जोखमीच्या व्यक्तींमध्ये गंभीर आजार आणि मृत्यू 100 टक्के कमी होतो हे सिद्ध केले आहे. डेल्टा प्रकार, जो कोरोना विषाणूचा सर्वात वाईट प्रकार आहे, इतर कोणत्याही प्रकारापेक्षा खूप वेगाने वाढतो आणि जीवघेणा बनतो.

भारतातील दुसरी लाट डेल्टा प्रकारामुळे आली

डेल्टा प्रकारामुळे भारतात कोरोनाची दुसरी लाट आली. एआयजी हॉस्पिटलचे अध्यक्ष डॉ. डी नागेश्वर रेड्डी म्हणाले की, परिणाम आश्चर्यकारक आहेत आणि कोविड-19 च्या उपचारांसाठी सार्वजनिक आरोग्य धोरणाला आकार देतील, विशेषत: जास्त जोखीम असलेल्या व्यक्तींमध्ये, ज्यांचे वय 60 वर्षांहून अधिक आहे किंवा ज्यांना मधुमेह आहे, उच्च. रक्तदाब, लठ्ठपणा, गर्भधारणा, जुनाट आजार. याना सर्वांनाच याचा मोठा फायदा होणार आहे. आम्ही आमच्या संशोधनात स्पष्टपणे दाखवून दिले आहे की मोनोक्लोनल थेरपी, योग्य वेळी दिल्यास, रोगाची प्रगती पूर्णपणे थांबवते.

Edited By: Pravin Dhamale