राजकारणात मोठी उलथापालथ; माजी मंत्र्यांसहित ३०० हून अधिक नेत्यांचा सत्ताधारी पक्षात प्रवेश

तामिळनाडूमध्ये 'एआयएडीएमके' (AIADMK) पक्षाला मोठा धक्का बसला आहे. पक्षातील माजी मंत्र्यांसह ३०० हून अधिक नेत्यांनी आणि कार्यकर्त्यांनी 'टीव्हीके' (TVK) पक्षात प्रवेश केला आहे. या मोठ्या पक्ष बदलामुळे तामिळनाडूमधील राजकीय वातावरण पूर्णपणे ढवळून निघालं आहे.

AIADMK चे वरिष्ठ नेते आणि माजी मंत्री उदुमलाई राधाकृष्णन यांनी सांगितले की, त्रिचीचे वरिष्ठ नेते एन. आर. शिवपती, कदंबुर राजू, एम. सी. संपत, पन्नीरसेल्वम, गोविंदासामी आणि कोलाथुर कृष्णमूर्ती या प्रमुख नेत्यांनी सत्ताधारी TVK पक्षात प्रवेश केला आहे.

राधाकृष्णन पुढे म्हणाले की, "आम्ही गेली ५ वर्षे AIADMK पक्षात होतो, ज्या दरम्यान आम्हाला अत्यंत कठीण परिस्थितीचा सामना करावा लागला. मुख्यमंत्री विजय हे एम. जी. रामचंद्रन आणि जयललिता यांना आपले आदर्श मानतात. म्हणूनच आम्ही TVK पक्षात प्रवेश करण्याचा निर्णय घेतला."

पक्षप्रवेश सोहळ्यात उपस्थितांना संबोधित मंत्री सेंगोत्तैयान यांनी म्हटलं की, तामिळनाडूच्या जनतेला बदल हवा होता. त्यांनी बदलासाठी मतदान केलं. त्यांनी मुख्यमंत्री विजय यांच्या नेतृत्वावर विश्वास ठेवला. भारताच्या राजकीय इतिहासात पहिल्यांदा केवळ दोन वर्ष जुन्या पक्षाला मोठ्या प्रमाणात यश मिळालं. तामिळनाडूच्या जनतेने स्वच्छ आणि पारदर्शी प्रशासनाची निवड केली आहे. मुख्यमंत्री विजय यांच्या नेतृत्वात टीव्हीके राज्यातील राजकारणाला नवी दिशा देत आहे'.