तीव्र ताप अन् लघवीचा त्रास? २२ दिवसांत ७ चिमुकल्यांचा मृत्यू, किडनीचा नवा आजार कोणता?

मध्य प्रदेशातील छिंदवाडा जिल्ह्यातील एका चार वर्षांच्या मुलाचा नागपूरमधील रूग्णालयात उपचारादरम्यान मृत्यू झाला. किडनीच्या संसर्गाने त्याचा मृत्यू झाल्याची माहिती आहे. एका अधिकाऱ्यानं सांगितले की, गेल्या २२ दिवसांत किडनीच्या संसर्गाने अशाच प्रकरणांमध्ये छिंदवाडा येथील सात मुलांचा मृत्यू झाला आहे. या प्रकरणात वाढ होत असल्यामुळे गावकरी चिंतेत आहेत.

शनिवारी दिघवानी गावातील ४ वर्षीय विकास यदुवंशीचा नागपूरमधील रूग्णालयात उपचारादरम्यान मृत्यू झाला. दुसऱ्या दिवशी त्याचा अंत्यसंस्कार त्याच्या मूळ गावी करण्यात आले. अधिकाऱ्यांच्या माहितीनुसार, गेल्या २२ दिवसांत ७ मुलांचे याच कारणामुळे निधन झाले. विशेषत: तामिया आणि कोइलांचल भागात संसर्गाचे प्रमाण वाढले असून, काही बालकांवर अजूनही खासगी रूग्णालयात उपचार सुरू आहे.

डॉक्टरांनी लक्षणे दिसल्यास दिसल्यास मुलांवर ताचडीने उपचार करण्याचे आदेश दिले आहेत. छिंडवाड्याचे जिल्हाधिकारी शैलेंद्र सिंह यांनी सांगितले की, 'ज्या रूग्णांना किडनीच्या आजारावर उपचाराची गरज आहे. त्यांना एम्स नागपूर येथे तातडीने हलवावे', असं ते म्हणाले. यावेळी मुख्यमंत्री मोहन यादव यांनी जिल्हाधिकाऱ्यांशी फोनवरून संवाद साधला. तसेच बालकांवर त्वरीत आणि योग्य उपचार करण्याच्या सूचना दिल्या.

जिल्हा रूग्णालयातील बालरोगतज्ज्ञ डॉ. दीपक पटेल यांनी सांगितले की, 'आतापर्यंत १ ते ७ वर्षे वयोगटातील सात मुलांचा मृत्यू झालाय. ग आयसीएमआरचे पथक बाधित भागांचे सर्वेक्षण करून नमुने घेतले आहेत. तसेच भोपाळमधील आरोग्य पथकाने पाण्याचे नमुने गोळा करून पुणे प्रयोगशाळेत पाठवले आहे. अहवाल समोर आल्यानंतर मृत्यूचे कारण समोर येईल', असं ते म्हणाले.

लक्षणे कोणती-

लहान मुलांना तीव्र ताप किंवा लघवी करताना त्रास जाणवू शकतो.