सर्वसामान्यांना झटका, घरगुती गॅस सिलिंडर महागणार? सरकार महत्वाचा निर्णय घेण्याच्या तयारीत

इराण आणि अमेरिकेमधील युद्धाचा परिणाम गॅस सिलिंडरच्या पुरवठ्यावर होत आहे. देशात गॅस सिलिंडरचे नवे कनेक्शन देणे बंद केलं आहे. सरकारने आता पीएनजी कनेक्शन देण्यावर भर देणे सुरू केलं आहे. तरीही भारतीयांनी चिंता करण्याची गरज नाही. सरकार तब्बल १५ देशांतून कच्चा तेल आणि गॅस खरेदी करत आहे. परंतु मे महिन्यात गॅस सिलिंडरचे दर बदलण्याची शक्यता आहे, अशी माहिती सूत्रांनी दिली आहे.

देशभरात आज २६ एप्रिल रोजी गॅस सिलिंडरच्या दरात कोणतीही वाढ झालेली नाही. परंतु प्रमुख शहरात १४.२ किलो स्वयंपाकाच्या गॅस सिलिंडरची किंमत ९१०-९५० रुपयांदरम्यान आहे. तर मागील काही दिवसांत व्यावसायिक गॅसच्या दरात वाढ झाली होती. त्यानुसार, गॅसचे दर पाहायला मिळत आहे. पेट्रोलियम मंत्रालयाच्या संयुक्त सचिव सुजाता शर्मा यांनी देशात गॅसचा तुटवडा नसल्याचे स्पष्ट केलं आहे.

दिल्लीत आज आज घरगुती सिलिंडरचा दर 913.50 रुपये, मुंबई ९१२.५ रुपये, कोलकाता ९३९ रुपये, चेन्नईमध्ये ९३८.५ रुपये, बेंगळुरूत ९१५.५ रुपये, पटना १००२.५ रुपये शिमला, ९५८.५ रुपये, श्रीनगर १०२९.० रुपये इतकी आहे. ७ मार्च रोजी घरगुती गॅस सिलिंडरचे दर वाढले होते. जवळपास ३ वर्षांनंतर सिलिंडरचे दर वाढवण्यात आले आहेत.

दिल्लीत व्यावसायिक सिलिंडरचा दर २०७८.५ रुपये, मुंबईचा दर २०३१ रुपये, कोलकाता २२०८.५ रुपये, चेन्नईत २२४६.५ रुपये, बेंगळुरू २१६१ रुपये,पटना २३५३.५ रुपये इतकी आहे. श्रीनगरमध्ये २३८५ रुपये इतकी आहे. इराण-अमेरिकेच्या युद्धामुळे व्यावसायिक गॅसचे दर दोन वेळा वाढवले आहेत.

तत्पूर्वी, फेब्रुवारी महिन्यात इराण-अमेरिका युद्धामुळे देशभरात गॅस पुरवठ्याचा तुटवडा निर्माण झाला होता. त्यानंतर केंद्र सरकारने व्यावसायिक सिलिंडरचा पुरवठा रोखला होता. परंतु आता सरकारने व्यावसायिक गॅसचा पुरवठा ७० टक्के इतका केला आहे. तसेच सरकार पीएनजी कनेक्शन घेण्यासाठी आग्रह करत आहे.