BJP Meeting : भाजपच्या केंद्रीय निवडणूक समितीची आज बैठक, लोकसभा निवडणुकीसाठी भाजपचा मेगाप्लान ठरणार?

New Delhi :

भाजपच्या केंद्रीय निवडणूक समितीची आज महत्त्वाची बैठक पार पडणार आहे. आगामी लोकसभा निवडणुकीच्या दृष्टीने ही निवडणूक महत्त्वाची मानली जात आहे. राष्ट्रीय अधिवेशन संपल्यानंतर दुपारी बैठक होणार आहे.

आगामी लोकसभा निवडणुकीच्या अनुषंगाने उमेदवारांच्या नावावर शिक्कामोर्तब या बैठकीत होण्याची शक्यता आहे. ज्या जागांवर 2019 लोकसभा निवडणुकीत भाजपला पराभवाचा सामना करावा लागला होता, त्या जागांवरील उमेदवारांच्या नावावर आज शिक्कामोर्तब होण्याची शक्यता आहे. (latest political news)

पंतप्रधान नरेंद्र मोदी यांच्या उपस्थिती ही बैठक पार पडणार आहे. राज्याचे उपमुख्यमंत्री आणि समितीचे सदस्य देवेंद्र फडणवीस हे देखील बैठकीला उपस्थित असणार आहेत. याच महिन्याच्या शेवटी उमेदवारांची पहिली यादी जाहीर करण्याचा भाजपचा प्रयत्न असणार आहे.

निवडणुकीची रणनीती ठरवणे, उमेदवार निवडणे आणि प्रचार चालवणे यावर पक्ष चर्चा करणार आहे. या बैठकीत पक्षाची संघटनात्मक बांधणी मजबूत करण्यावरही भर दिला जाणार आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सरकारची धोरणे आणि कार्यक्रम लोकांपर्यंत पोहोचवण्यावरही बैठकीत चर्चा होणार आहे. सरकारच्या कामगिरीवर प्रकाश टाकण्याचा आणि विरोधकांच्या आरोपांना प्रत्युत्तर देण्यासाठी तयारी केली जाऊ शकते. विरोधी पक्षांविरोधात रणनीती तयार करण्यावरही चर्चा होणार आहे.

भाजपच्या राष्ट्रीय अधिवेशनाचा आज दुसरा दिवस आहे. राम मंदिर पूर्ण केल्याबद्दल धन्यवाद ठराव आज मांडला जाणार अधिवेशनात मांडला जाणार आहे. पंतप्रधान नरेंद्र मोदी हे देखील आज कार्यकर्त्यांना संबोधित करणार आहेत.