Odisha Bus Accident News
Odisha Bus Accident NewsSaam TV

Bus Accident: चालकाला डुलकी लागली अन् घात झाला; प्रवाशांनी खचाखच भरलेली बस उड्डाणपुलावरून कोसळली; भयानक VIDEO

Odisha Bus Accident: चालकाला डुलकी लागल्याने प्रवाशांनी खचाखच भरलेली बस थेट उड्डाणपुलावरून खाली कोसळली. या घटनेत ५ प्रवाशांचा जागीच मृत्यू झाला. तर अनेकजण जखमी झाले आहेत.

Odisha Bus Accident News

चालकाला डुलकी लागल्याने प्रवाशांनी खचाखच भरलेली बस थेट उड्डाणपुलावरून खाली कोसळली. या घटनेत ५ प्रवाशांचा जागीच मृत्यू झाला. तर अनेकजण जखमी झाले आहेत. जखमींना उपचारासाठी रुग्णालयात दाखल करण्यात आलंय. अंगाचा थरकाप उडवणारी ही घटना ओडिशातील राष्ट्रीय महामार्ग क्रमांक १६ वर सोमवारी रात्रीच्या सुमारास घडली. (Breaking Marathi News)

Odisha Bus Accident News
Nashik Accident : शाळेत सोडण्यासाठी निघाले, वाटेतच भीषण अपघात; आजोबा अन् नातीचा जागीच मृत्यू

मृतांमध्ये एका महिलेसह ५ पुरुषांचा समावेश आहे. या घटनेनं परिसरातून हळहळ व्यक्त होत आहे. पोलिसांनी दिलेल्या माहितीनुसार, अपघातग्रस्त बस (Bus Accident) पश्चिम बंगालमधील कोलकात्याला जाण्यासाठी निघाली होती. या बसमधून जवळपास ५० प्रवासी प्रवास करीत होते.

सोमवारी मध्यरात्रीच्या सुमारास बस ओडिशातील राष्ट्रीय महामार्ग १६ वर आली असता, बसचालकाला अचानक डुलकी लागली. त्यामुळे काही क्षणातच बस अनियंत्रित होऊन पुलावरून खाली कोसळली. अपघात इतका भीषण होता, की बसचा अक्षरश: चक्काचूर झाला.

या अपघातात एका महिलेसह ५ प्रवाशांचा जागीच मृत्यू झाला. तर ४० हून अधिक प्रवासी जखमी झाले. अपघाताची माहिती मिळताच स्थानिकांसह पोलिसांनी तातडीने घटनास्थळी धाव घेत बचावकार्य केले. जखमींना उपचारासाठी रुग्णालयात दाखल करण्यात आलं आहे.

काहींची प्रकृती चिंताजनक असल्याची माहिती आहे. या घटनेवर ओडिशाचे मुख्यमंत्री नवीन पटनायक यांनी दु:ख व्यक्त केलं आहे. त्याचबरोबर अपघातात मृत्यू झालेल्या मृतांच्या कुटुंबियांना प्रत्येकी ३ लाखांची मदत जाहीर करण्यात आली आहे. पटनायक यांनी जखमींवर उपचारासाठी योग्य ती व्यवस्था करण्याचे निर्देश दिले आहेत.

Odisha Bus Accident News
Manmad Malegaon Highway Accident News : मनमाड-मालेगाव महामार्गावर बसला अपघात; 50 प्रवासी जखमी, दहा वर्षाचा मुलगा बचावला

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com