बॉयफ्रेंडसोबत मध्यरात्री भांडण, महिलेने विहिरीत उडी मारली, तिघांचा मृत्यू, नेमकं झालं काय?

Kerala woman jumps into well after fight with boyfriend : केरळमधील कोल्लम येथे घडलेली घटना मन हेलावून टाकणारी आहे. प्रियकरासोबत झालेल्या भांडणानंतर महिलेने विहिरीत उडी मारली आणि तिला वाचवण्याच्या प्रयत्नात अग्निशमन अधिकारी व प्रियकराचा मृत्यू झाला.
Well
WellSaam tv
Published On

मध्यरात्री बॉयफ्रेंडसोबत कडाक्याचे भांडण झालं. त्यामुळे संतापलेल्या महिलेने टोकाचे पाऊल उचलले अन् घराजवळ असलेल्या विहिरीत उडी मारली. हे पाहून बॉयफ्रेंडही प्रचंड घाबरला अन् त्याने तात्काळ बचाव पथकाला याबाबत कळवले अन् स्वतही मदतीसाठी प्रयत्न करू लागला. विहिरीत असलेल्या महिलेला वाचवण्याचा प्रयत्न सुरू असतानाच काळाने घाला घातला. विहिरीचा भाग कोसळून मदत करणारे दोघेही विहिरीत पडले. महिला आणि आणखी दोन जणांचा विहिरीतच मृत्यू झाला. केरळमधील कोल्लाम येथील नेदुवाथूर येथे ही धक्कादायक घटना घडली.

प्रियकरासोबत झालेल्या वादानंतर विहिरीत उडी मारलेल्या महिलेला वाचवण्याच्या प्रयत्नात विहीर कोसळली अन् अग्निशमन आणि बचाव अधिकाऱ्यासह तिघांचा मृत्यू झाला. अग्निशमन आणि बचाव अधिकारी सोनी एस कुमार (३६), अटिंगल येथील रहिवासी अर्चना एम (३४) आणि शिवकृष्ण एस (२३) अशी मृताची नावे आहेत.

Well
IND vs WI Live सामन्यात प्रेमाचा राडा, तरूणीनं तरूणाच्या कानाखाली जाळ काढला, नेमकं झालं काय? पाहा व्हिडिओ

नेमकं झालं काय ?

सोमवारी मध्यरात्री अर्चना आणि तिच्या प्रियकराचे कडाक्याचे भांडण झाले. रागाच्या भरात अर्चनाने घराच्या आवारात असलेल्या विहिरत उडी मारली. हे समजताच शिवकृष्णाने कोट्टारक्कारा अग्निशमन केंद्राला याबाबत माहिती दिली. अग्निशमन आणि बचाव पथक पोहोचले तेव्हा अर्चना अजूनही जिवंत होती. अग्निशमन दलाच्या जवानांनी तातडीने परिस्थितीचा आढावा घेतला आणि बचाव कार्य सुरू केले.

Well
Pune : पुणेकरांची दिवाळी यंदा धूमधडाक्यात, फटाक्यांची दुकानं २४ तास खुली राहणार

एकीला वाचवायला गेले अन् तिघांचा मृत्यू

बचाव अधिकारी सोनी कमरेला दोरी बांधून विहिरीत उतरला. दारूच्या नशेत असणारा शिवकृष्ण विहिरीच्या भिंतीला टेकून आत टॉर्च लावत उभा होता. त्यामुळे अचानक भिंत कोसळली. विहिरीचे बांधकाम कोसळले आणि शिवकृष्ण ढिगाऱ्यांसह विहिरीत पडला आणि तिघेही आत अडकले, असे पोलिसांनी सांगितले. अग्निशमन दलाच्या पथकाने सोनीला त्याच्या शरीराला बांधलेल्या दोरीचा वापर करून लगेच वर काढले. त्याला तातडीने रुग्णालयात नेण्यात आले, पण उपचाराआधीच त्याचा मृत्यू झाला. शिवकृष्ण आणि अर्चना यांना नंतर बाहेर काढण्यात आले, परंतु रुग्णालयात पोहोचताच दोघांनाही मृत घोषित करण्यात आले.

Well
दिवाळीआधी लाडकीला सरकारचे आणखी एक गिफ्ट, e-KYC च्या मुदतवाढीवर मोठी घोषणा, आदिती तटकरे नेमकं काय म्हणाल्या?

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com