पैसे न दिल्याचा राग; काँग्रेस महिला नेत्याच्या मुलाकडून आईवरच वार, चाकूने संपवण्याचा प्रयत्न

माजी नगरसेवक आणि काँग्रेस नेत्या ग्रेसी जोसेफ यांच्यावर त्यांच्याच मुलानं प्राणघातक हल्ला केल्याची माहिती समोर आली आहे. ही धक्कादायक घटना केरळ राज्यातील कोचीच्या कलूर भागातून उघडकीस आली. या घटनेनंतर ग्रेसी यांचा मुलगा फरार झाला. पैसे न दिल्याच्या रागाने त्याने आईवर हल्ला केला. सध्या त्यांच्या आईवर खासगी रूग्णालयात उपचार सुरू आहेत.

मिळालेल्या माहितीनुसार, गुरूवारी सायंकाळी ६ वाजेच्या सुमारास शेफिन कलूरमधील 'जज अव्हेन्यू रो़ड'वरील त्याच्या आईच्या दुकानात केला. आईकडे तो पैशांची मागणी करू लागला. ग्रेसीनं पैसे देण्यास नकार दिला. तेव्हा आई आणि मुलामध्ये जोरदार वाद झाला. वाद विकोपाला गेला आणि शेफिनला राग अनावर झाला.

नंतर शेफिनने आईवर चाकूने जोरदार हल्ला केला. या हल्ल्यात ग्रेसी गंभीर जखमी झाली. तिच्या अंगावर तीन गंभीर जखमा आढळल्या. हल्ला झाल्यानंतर ग्रेसी यांना तातडीने रूग्णालयात दाखल करण्यात आले. प्राथमिक उपचारानंतर त्यांना घरी सोडण्यात आले.

रूग्णालयाच्या अधिकाऱ्यांकडून पोलिसांना घटनेची माहिती मिळाली. मात्र, ग्रेसी यांनी स्वत: तक्रार दाखल करण्यास नकार दिला. पोलिसांच्या म्हणण्यानुसार, हल्ला केल्यानंतर शेफिन पुन्हा घरात परतलेला नाही. अद्याप तो कुठे आहे, याचा कोणताही पत्ता लागलेला नाही. पोलिसांना संशय आहे की, तो व्यसनी आहे. पूर्वी तो व्यसनमुक्ती केंद्रातही राहिला होता. सध्या शेफिनचा शोध सुरू आहे.