Accident News : दुर्दैवी! थांबलेल्या ट्रकला कारची जोरदार धडक, ३ पोलीस उपनिरीक्षकांचा जागीच मृत्यू, दोघे गंभीर

Karanataka Chitradurga Accident three Police Sub-Inspectors Killed कर्नाटकातील चित्रदुर्ग येथे कार आणि ट्रकचा भीषण अपघात झाला. या कार अपघातात तीन पोलिस उपनिरीक्षकांचा जागीच मृत्यू झाला असून दोघे गंभीर जखमी झाले आहेत. सदर घटना आज सकाळी चित्रदुर्ग जिल्ह्यातील होसदुर्गा तालुक्यातील हेगेरेजवळ घडली. जखमींना उपचारासाठी जवळच्या रुग्णालयात दाखल करण्यात आले असून पोलीस या घटनेचा तपास करत आहेत.

मिळालेल्या माहितीनुसार, पाच पोलिस अधिकारी बेंगळुरूहून बल्लारीला एका कार्यक्रमासाठी जात होते. यादरम्यान चित्रदुर्ग जिल्ह्यातील होसदुर्गा तालुक्यातील हेगेरेजवळ कार एका उभ्या असलेल्या ट्रकला धडकली. ही धडक इतकी भीषण होती की, या दुर्घटनेत तिघांचा जागीच मृत्यू झाला, तर २ पोलीस अधिकारी गंभीर जखमी झाले आहेत.

मंजुनाथ, अंबरीश आणि सचिन अशी मृत आरएसआयची ओळख पटली आहे. तसेच एसआय ईश्वर आणि आरएसआय महांतेश गंभीर जखमी झालेल्या अधिकाऱ्यांचं नाव आहे. हे पाचही जण नुकतेच पोलीस दलात भरती झाले होते.

पोलीस अधिकाऱ्यांच्या मृत्यूने त्यांच्या कुटुंबियांवर दुःखाचा डोंगर कोसळला आहे. अपघाताची माहिती मिळताच चित्रदुर्ग जिल्हा पोलिस अधीक्षक रणजित बंडारू आणि आयमंगला स्टेशनचे पोलिस कर्मचारी घटनास्थळी दाखल झाले. त्यांनी घटनास्थळी भेट देऊन तपास केला असून या प्रकरणी गुन्हा दाखल करण्यात आला आहे.