झारखंडमध्ये विविध स्पर्धा परीक्षांमधील गैरव्यवहाराविरोधात रांची येथे विद्यार्थ्यांनी विधानसभेला घेराव घातला आहे. या आंदोलनाच्या पार्श्वभूमीवर हेमंत सोरेन सरकारने मोठी कारवाई केली आहे. CID ने JPSC चे माजी अध्यक्ष एल.खियांग्ते यांना अटक केली आहे. या प्रकरणात CID ची ही 20 वी अटक असून याआधी उपपरीक्षा नियंत्रकासह 19 जणांना अटक करण्यात आली आहे.
JPSC चे अध्यक्ष एल खियांग्ते यांनी 22 जुलै रोजी आपल्या पदाचा राजीनामा दिला होता. 28 जुलैपासून त्यांची अनेकदा चौकशी करण्यात आली होती. याच दरम्यान रविवारी झारखंड लोकसेवा आयोगाच्या तीन सदस्यांनीही राजीनामा दिला होता. राज्यपाल संतोष कुमार गंगवार यांनी अजीता भट्टाचार्य, अनिमा हांस दा आणि जमाल अहमद यांचे राजीनामे स्वीकारले. सीआयडीने जेपीएससीच्या तीन सदस्यांना अजीता भट्टाचार्य, अनिमा हांसदा आणि जमाल अहमद पेपरफुटी आणि इतर गैरप्रकारांच्या आरोपांवरून चौकशीसाठी बोलावले होते. या तिघांची नियुक्ती सप्टेंबर 2021 मध्ये झाली होती. परीक्षांमधील कथित गैरव्यवहारांविरोधात आंदोलक सीबीआय चौकशीच्या मागणीवर ठाम आहेत. दरम्यान, या प्रकरणात ईडीचीही एन्ट्री झाली असून तपास सुरू करण्यात आला आहे.
ईडीने जेएसएससी-सीजीएल परीक्षेसह झारखंडमधील इतर भरती परीक्षांमधील कथित गैरव्यवहारांशी संबंधित आर्थिक गुन्ह्यांची चौकशी सुरू केली आहे. अधिकाऱ्यांनी दिलेल्या माहितीनुसार, सीआयडीने दाखल केलेल्या एफआयआरसह इतर तक्रारींचाही ईडीने विचार केला आहे. धनशोधन प्रतिबंधक कायद्यांतर्गत (PMLA) या प्रकरणाची सखोल चौकशी सुरू आहे.
दरम्यान, विविध मागण्यांसाठी आंदोलन करणाऱ्या हजारो विद्यार्थ्यांनी सोमवारी झारखंड विधानसभेवर मोर्चा काढला. आंदोलकांनी अनेक बॅरिकेड तोडून पुढे जाण्याचा प्रयत्न केला, त्यावेळी पोलिसांनी त्यांना रोखण्यासाठी पाण्याच्या फवाऱ्यांचा वापर केला आणि लाठीचार्जही केला. गेल्या 9 दिवसांपासून उपोषणावर असलेले झारखंड लोकतांत्रिक क्रांतिकारी मोर्चाचे नेते देवेंद्रनाथ महतो अॅम्ब्युलन्समधून मोर्चात सहभागी झाले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.