Maharashtra Politics: शरद पवार अन् काँग्रेसला मोठा धक्का; 15 बडे नेते शिंदेसेनेत प्रवेश करणार; राज्यात टायगर एक्स्प्रेस सुसाट

Sharad Pawar Congress Hit Akola Leaders Join ShindeSena: अकोला जिल्ह्यातील बार्शीटाकळी आणि अकोट येथील १५ हून अधिक नगरसेवक शिंदे सेनेच्या संपर्कात असल्याची माहिती समोर आली आहे.
Councillors from Akola district reportedly head to Mumbai for joining Shinde Sena amid major political developments.
Councillors from Akola district reportedly head to Mumbai for joining Shinde Sena amid major political developments.saam tv
Published On

अक्षय गवळी, साम टीव्ही

अकोला: जिल्ह्यातील बार्शीटाकळी नगरपंचायत आणि अकोट नगरपालिकेतील सुमारे 15 हून अधिक नगरसेवक एकनाथ शिंदे यांच्या शिवसेना गटाच्या संपर्कात असल्याची माहिती समोर आली आहे. कॉँग्रेस, शरद पवार गट तसेच काही अपक्ष नगरसेवक शिंदेसेनेत प्रवेश करणार असल्याची जोरदार चर्चा रंगली आहे. दरम्यान बार्शीटाकळी नगरपंचायतीचे अनेक नगरसेवक आज मुंबईकडे रवाना झाले असून, उपमुख्यमंत्री एकनाथ शिंदे यांच्या उपस्थितीत त्यांच्या पक्षप्रवेशाचा सोहळा पार पडणार असल्याचे सांगितले जात आहे. या घडामोडींमुळे जिल्ह्यातील स्थानिक राजकारणात मोठी उलथापालथ होण्याची शक्यता वर्तवली जात आहे.

Councillors from Akola district reportedly head to Mumbai for joining Shinde Sena amid major political developments.
Talathi Recruitment Scam: राज्यात बोगस तलाठी भरतीचं रॅकेट, 15 लाखांत नियुक्तीपत्र आणि प्रशिक्षण

याच पार्श्वभूमीवर मूर्तीजापुरचे भाजप आमदार हरिश पिंपळे आणि शिंदेसेनेचे विदर्भातील प्रवक्ते प्रकाश डवले यांच्यातील एक व्हिडिओ समोर आला आहे. नगरसेवकांच्या पक्षप्रवेशावरून दोन्ही नेत्यांमध्ये मिश्किल टोलेबाजी देखील झाली. भाजप आमदार पिंपळे यांनी जे नगरसेवक आमच्या कामाचे नाहीत, त्यांनाही तुम्ही घेऊन टाका, असा चिमटा काढला. त्यावर प्रकाश डवले यांनीही हलक्याफुलक्या अंदाजात उत्तर देत, आमच्याकडे नंदनवन येथे नगरसेवकांच्या प्रवेशासाठी मोठी गर्दी आहे, अनेक जण वेटिंगवर आहेत, असे सांगितले. या संवादादरम्यान उपस्थितांमध्ये एकच हशा पिकल्याचे पाहायला मिळाले.

Councillors from Akola district reportedly head to Mumbai for joining Shinde Sena amid major political developments.
Maharashtra Politics : शिवसेनेचे सरकार पाडण्यासाठी नाईकांनी पवारांना मदत केली होती; शिंदेंच्या नेत्याचा खळबळजनक दावा

दरम्यान, या सर्व घडामोडींमुळे अकोला जिल्ह्यातील राजकीय समीकरणे बदलण्याची चिन्हे स्पष्ट दिसत असून, आगामी काळात आणखी मोठे राजकीय फेरबदल होण्याची शक्यता नाकारता येत नाही.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News | Saam TV
saamtv.esakal.com