झारखंडच्या लातेहारमध्ये शुक्रवारी रात्रीच्या सुमारास एक भयानक घटना घडली. रांची-सासाराम इंटरसिटी एक्स्प्रेसला आग लागल्याची अफवा काहींनी पसरवली. यामुळे प्रवाशांनी मोठी आरडाओरड सुरू केली. काहींनी जीव वाचवण्यासाठी थेट धावत्या ट्रेनमधून बाहेर उड्या घेतल्या. या घटनेत चौघांचा मृत्यू झाला झाला, तर काहीजण गंभीर जखमी झाले.
घटनेची माहिती मिळताच रेल्वे पोलिसांनी तातडीने घटनास्थळी धाव घेत बचावकार्य केले. जखमी प्रवाशांना उपचारासाठी रुग्णालयात दाखल करण्यात आलं असून चौघांचे मृतदेह ताब्यात घेण्यात आले आहेत. या घटनेनं परिसरातून हळहळ व्यक्त होत आहे.
मिळालेल्या माहितीनुसार, सासाराम-रांची इंटरसिटी एक्स्प्रेस शुक्रवारी रात्रीच्या सुमारास कुमंदीह स्टेशनजवळ आली. यावेळीट ट्रेनमधील एका प्रवाशाने आग लागल्याचं सांगत आरडाओरड सुरू केली. यानंतर प्रवाशांमध्ये एकच गोंधळ उडाला.
अनेक जण धास्तावले काहींनी जीव वाचवण्यासाठी ट्रेनमधून बाहेर उड्या घेतल्या. त्याचवेळी विरुद्ध दिशेने येणाऱ्या मालगाडीने त्यांना जोरदार धडक दिली. या घटनेत चार जणांना आपला जीव गमवावा लागला. तर अनेकजण जखमी झाले. मृतांमध्ये दोन पुरुष आणि एका महिलेचा समावेश असल्याचं कळतंय. ही अफवा नेमकी कुणी पसरवली याचा शोध घेतला जात आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.