Jharkhand Nurse Wife: पत्नीच्या शिक्षणासाठी कर्जबाजारी झाला; नर्स होताच गेली दुसऱ्यासोबत पळून

Jharkhand Godda News:

झारखंडमध्ये पत्नी यशाच्या शिखरावर पोहचल्यावर आपल्या पतीला सोडून गेली आहे. पतीला कर्ज काढण्यास सांगून शिक्षण पूर्ण केल्यावर ही महिला प्रियकरासोबत पळून गेली. पतीने पोलिसांत धाव घेतली असून पत्नीविरोधात गुन्हा दाखल केला आहे. (Latest Marathi News)

नर्स झालेल्या महिलेचे नाव प्रिया कुमारी आहे. प्रियाच्या पतीने तीच्या शिक्षणासाठी कर्ज काढलं होतं. कर्ज काढून तिला नर्सिंगचं शिक्षण दिलं. पण प्रियाने पतीची फसवणूक केली. ती दिलखुष राऊत नावाच्या प्रियकरासोबत पळून केली. ज्योती मौर्या प्रकरणासारखीच ही घटना गोड्डा जिल्ह्यात घडलीये.

पतीला पाठवले दुसऱ्या लग्नाचे फोटो

ही महिला एवढ्यावरच थांबली नाही. तिने प्रियकराशी पळून जाऊन लग्न केलं. लग्नाचे फोटो तिने पतीला आणि कुटुंबीयांना पाठवले. आपली फसवणूक झाल्याचे समजताच पतीने पोलिसांकडे धाव घेतली, तसेच न्यायाची मागणी केलीय. याशिवाय संतप्त झालेल्या पतीने फसवणूक करणाऱ्या पत्नीकडे शिक्षणावर खर्च केलेले लाखो रूपये परत करण्याची मागणी केली आहे.

२०२० मध्ये झालं लग्न

टिंकू कुमार असं पतीचं नाव आहे. त्याने २०२० साली प्रियासोबत लग्न केलं. तिला शिकण्याची आवड होती. तिची आवड लक्षात घेत टिंकूने तिला नर्सिंग कॉलेजमध्ये अॅडमिशन घेऊन दिलं. यासाठी त्याने अडीच लाख रुपयांचं कर्ज घेतलं होतं. १९ सप्टेंबर रोजी ती घरातून पळून गेली. त्यानंतर दिल्लीत जाऊन तिने लग्न केलं.