इस्रोची चांद्रयान ३ मोहिम यशस्वी झाल्यानंतर जगभरातून भारताचं कौतुक होत आहे. त्याचवेळी रशियाने देखील चंद्रावर आपलं Luna 25 हे यान पाठवलं होतं. मात्र रशियाची ही मोहीम अपयशी ठरली आहे. आता जपानने चंद्राच्या दिशेने स्वारी केली आहे.
जपानने गुरुवारी सकाळी मून लँडरला घेऊन जाणारे यान H-IIA प्रक्षेपित केले. खराब हवामानामुळे मागील महिन्यात तीन वेळा हे मिशन स्थगित करण्यात आलं होतं. मात्र आज जपानचं यान चंद्राच्या दिशेने झेपावलं आहे. (Latest Marathi News)
जपान दीर्घकाळापासून आपल्या चंद्र मोहिमेवर काम करत आहे. जपानच्या चंद्र मोहिमेत अनेक गोष्टींचा समावेश आहे. या मोहिमेअंतर्गत स्मार्ट लँडर (SLIM) चंद्रावर तपासणीसाठी उतरवावे लागेल. जपान एरोस्पेस एक्सप्लोरेशन एजन्सी (JAXA) 'H2A रॉकेट'द्वारे चंद्रावर पाठवत आहे.
जपानचा SLIM प्रोजेक्ट मून स्निपर म्हणून ओळखला जातो. यामध्ये उच्च तंत्रज्ञानाचा वापर करण्यात आला आहे. यात हाय टेक कॅमेरे आहेत, जे चंद्राला समजून घेण्याचे काम करतील. पुढील वर्षाच्या सुरुवातीला SLIM चे चंद्रावर उतरण्याचे नियोजन आहे.
इस्रोने (ISRO Full Form) देखील जपानच्या अंतराळ संस्थेचं अभिनंदन केलं आहे. इस्रोने ट्वीट करत म्हटलं की, 'चंद्रच्या दिशेने SLIM लँडरच्या यशस्वी प्रक्षेपणाबाबत अभिनंदन @JAXA_en . ग्लोबल स्पेस कम्युनिटीकडून चंद्राच्या आणखी एका यशस्वी प्रयत्नासाठी शुभेच्छा.'
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.