युद्धाची नांदी, जगाची बरबादी; इस्त्रायल- इराण युद्धानं जग होरपळणार? तेलाच्या किंमती गगनाला भिडणार?

सुप्रीम मस्कर, साम टिव्ही

इराण आणि इस्रायलमधील सुरू असलेल्या युद्धात अमेरिकेमुळे मोठी ठिणगी पडलीय. अमेरिकेनं इस्त्रायलला मदत करत थेट इराणच्या अणुप्रकल्प केंद्रावरच हल्ला केलाय. त्याला प्रत्युत्तर म्हणून इराणनेही इस्त्रायलवर ३० हून अधिक क्षेपणास्त्रे डागली. इस्रायलमधील तेल अवीव, हैफा आणि जेरुसलेम या शहरापर्यंत या हल्ल्याची झळ पोचली आहे. एकीकडे इस्रायलवरील ह्ल्ले तीव्र करताना इराणने अमेरिकेलाही थेट इशारा दिलाय.त्यामुळे आता हा संघर्षं अधिक तीव्र होण्याची शक्यता आहे..आणि याचा जगावर काय परिणाम होणार?

युद्धाची नांदी, जगाची बरबादी

क्रूड ऑईलच्या किंमतीत तब्बल 18 टक्क्यांची वाढ

क्रूड ऑईलची किंमती 75 डॉलर्स वरून 120 प्रति बॅरल होण्याची शक्यता

कच्च्या तेलाची निर्यात होणारी होर्मुझ सामुद्रधुनी हाय रिस्क झोन म्हणून घोषित

शिपिंग कंपन्यांनी होर्मुझऐवजी पर्यायी मार्गाची निवड

त्यामुळे तेल निर्यातीसाठी लागणाऱ्या वेळेत आणि खर्चात वाढ

दुसरीकडे

यमनमधील हूथी, इराकमधील शिया मिलिशिया, लेबनॉनमधील हिझबुल्ला हे गटही अमेरिका-इस्रायलविरोधी कारवाया करतील

इराण अधिक गुप्तपणे अणुशस्त्र प्रकल्प राबवण्याचा प्रयत्न करू शकतो

उत्तर कोरिया, चीनसारख्या देशांकडून इराणला तांत्रिक मदत मिळण्याची शक्यता

संयुक्त राष्ट्र सुरक्षा परिषदेत अमेरिकेविरोधात रशिया, चीन आक्रमक भूमिका घेण्याची शक्यता

इराण-इस्रायल युद्धाची ठिणगी आता जागतिक महासंकटाला जन्म देऊन गेलीये. मध्य पूर्वेतील या युद्धाचा पेटलेला वणवा सध्या तरी थांबणार नाहीय, इंधनाच्या वाढत्या किंमती आणि अण्वस्त्र हल्ल्याची डोक्यावर असलेली टांगती तलवार जगाला अस्थिरतेच्या दरीत लोटतेय. युद्ध हा कुठल्याच समस्येवर उपाय नाही. यात परवड ही सर्व सामान्यांची होणार हे निश्चितये त्यामुळे हेच या बलाढ्य आणि स्वताला महासत्ता समजणाऱ्या देशाच्या प्रमुखांना कधी समजणार असाच प्रश्नयं.