War Fears : इराण सोडा! भारतीयांना मोदी सरकारने का दिले आदेश? नेमकं काय आहे प्रकरण?

इराण आणि अमेरिकेतील संघर्ष आता टोकाला पोहोचलाय. ट्रम्प यांनी इराणला अल्टिमेटम दिल्यानंतर भारतीय दुतावासाने भारतीयांना काय आवाहन केलंय... या सगळ्या घडामोडींमुळे तिसऱ्या महायुद्धाला कसं तोंड फुटणार, पाहूयात यावरचा एक स्पेशल रिपोर्ट

अमेरिका आणि इराणमधील तणाव दिवसेंदिवस वाढत चाललाय. अमेरिकेचे राष्ट्राध्यक्ष डोनाल्ड ट्रम्प यांनी इराणला थेट आता 10 ते 15 दिवसाचा अल्टिमेटम दिलाय. त्यामुळे दोन्ही देशांमधला संघर्ष वाढण्याची शक्यता आहे. या संघर्षामुळे मात्र इराणमधल्या भारतीयांचं टेंशन वाढलंय. तेहरानमधील भारतीय दूतावासानं भारतीयांना इराण सोडण्याचं आवाहन केलंय. इराणमध्ये सध्या जोरदार निदर्शनं सुरू आहेत. अनेक ठिकाणी इंटरनेट सेवा खंडित झालीय...त्यामुळे परिस्थिती हाताबाहेर जाण्यापूर्वी भारतीयांना नेमकी काय काळजी घेण्याचं आवाहन केलंय ते पाहूयात....

युद्धाचा भडका, भारतीयांनो इराण सोडा

इराणमधील भारतीयांनी निदर्शनांमध्ये सहभाग घेणं टाळावं

उपलब्ध मार्गांचा वापर करून इराण सोडा

आपत्कालीन मदतीसाठी भारतीय दूतावासाच्या संपर्कात राहा

आपापली ओळखपत्रे तयार ठेवा

अमेरिकेनं ज्या पद्धतीनं लष्करी हालचाली सुरू केल्या आहेत ते पाहता इराणवर कधीही क्षेपणास्त्रांचा हल्ला होऊ शकतो.त्यामुळेच केंद्र सरकार भारतीयांना सुरक्षेबाबत सूचना जारी केल्या आहेत...भारत दोन्ही देशांशी संवाद साधून शांतता राखण्याचा प्रयत्न करत आहे. मात्र युद्धाचा धोका टाळण्यासाठी आणि भारतीयांच्या सुरक्षिततेसाठी केंद्र सरकारनं पावलं टाकायला सुरूवात केलीय. ट्रम्प यांच्या अल्टिमेटमनंतर इराण-अमेरिकेत युद्ध भडकलं तर तिसऱ्या महायुद्धाला तोंड फुटण्याची शक्यता आहे...