Shocking : तरुणीच्या खोलीत घुसला, बेड आणि खेळण्यांवर केलं हस्तमैथुन; ब्रिटनमध्ये भारतीय विद्यार्थ्याचा प्रताप

UK मधील नॉर्थम्ब्रिया विद्यापीठातील एका भारतीय विद्यार्थ्याला निलंबित करण्यात आले आहे. या तरुणाला तुरुंगवासाची शिक्षा देखील सुनावण्यात आली आहे. सिव्हिल इंजिनिअरिंगच्या या विद्यार्थ्याने एका विद्यार्थिनीच्या खोलीत घुसून तिच्या बेड आणि सामानावर हस्तमैथुन केल्याचे म्हटले जात आहे. जिम कीकार्डच्या मदतीने हा तरुण इतर विद्यार्थ्यांच्या खोलीत घुसल्याची माहिती समोर आली आहे.

मिळालेल्या माहितीनुसार, १८ वर्षीय उद्कर्ष यादव हा नॉर्थम्ब्रिया विद्यापीठात सिव्हिल इंजिनिअरिंगच्या पहिल्या वर्षात आहे. त्याने जिम कीकार्ड वापर एका मुलीच्या खोलीत प्रवेश केला तिच्या बेडवर, बेड कव्हरवर आणि तीन जेलीकॅट टेडी बेअरवर यादवने हस्तमैथुन केले. ज्या मुलीच्या खोलीत यादव अश्लील कृत्य करत होता, ती मुलगी ख्रिसमससाठी तिच्या घरी गेली होती.

ज्या वेळेस ती मुलगी विद्यापीठात परतली, तेव्हा तिच्या बेड आणि खेळण्यांवर पांढरा पदार्थ आढळला. तेव्हा मुलीने याबाबत विद्यापीठाच्या वसतिगृहात तक्रार केली. कीकार्ड आणि अन्य पुराव्यांच्या आधारे उद्कर्ष यादवची ओळख पटली. कायदेशीर चौकशीदरम्यान त्याने प्रतिक्रिया देण्यात नकार दिला. पण डीएनए चाचणीनंतर हे अश्लील कृत्य त्यानेच केले आहे, हे सिद्ध झाले.

गुन्ह्याची कबुली दिल्यानंतर उद्कर्ष यादवला १४ महिन्यांच्या तुरुंगवासाची शिक्षा सुनावण्यात आली आहे. विद्यापीठाने त्याला दोन वर्षांसाठी निलंबित देखील केले आहे. यासोबत त्याला मुलीच्या हरवलेल्या वस्तूंसाठी ११७ पौंड भरपाई देण्याचे आदेश देण्यात आले आहेत. विद्यापीठ प्रशासनाने यादवला कॉलेजमधून काढून टाकण्याचे संकेत दिले आहे. जर त्याचा व्हिसा रद्द झाला, तर त्याला भारतात परतावे लागू शकते.