'नोटेवर महात्मा गांधींसह लक्ष्मी-गणेशाचाही फोटो असावा, दोघांच्या आशीर्वादाने अर्थव्यवस्था सुधारेल'

Arvind Kejriwal Latest News : नोटेवर महात्मा गांधी यांच्यासह लक्ष्मी आणि भगवान गणेशाचे फोटो लावण्यात यावेत, अशी विनंती दिल्लीचे मुख्यमंत्री अरविंद केजरीवाल यांनी केली आहे. भारतीय चलनावर एका बाजूला महात्मा गांधी आणि दुसऱ्या बाजूला लक्ष्मी आणि गणेशाचे फोटो असावेत, अशी माझी केंद्र सरकार आणि पंतप्रधान नरेंद्र मोदी यांना विनंती आहे, असे अरविंद केजरीवाल म्हणाले.

अरविंद केजरीवाल (Arvind Kejriwal) यांनी पत्रकार परिषद घेतली. यात ते बोलत होते. इंडोनेशिया हा मुस्लिम देश आहे. तेथे ८५ टक्के लोकसंख्या मुस्लिम समाजाची आहे. दोन टक्के हिंदू आहेत. तरीही त्यांनी त्यांच्या चलनावर गणेशाचा फोटो लावला आहे, असे केजरीवाल म्हणाले.

अरविंद केजरीवाल (Arvind Kejriwal) यांनी पत्रकार परिषद घेतली. यात ते बोलत होते. इंडोनेशिया हा मुस्लिम देश आहे. तेथे ८५ टक्के लोकसंख्या मुस्लिम समाजाची आहे. दोन टक्के हिंदू आहेत. तरीही त्यांनी त्यांच्या चलनावर गणेशाचा फोटो लावला आहे, असे केजरीवाल म्हणाले. (Latest Marathi News)

आमचे कुटुंबही श्रीमंत व्हायला हवे, अशी इच्छा आहे. त्यासाठी खूप मोठे पाऊल उचलायला हवे. चांगल्या शाळा, रुग्णालये, मुलभूत सोयीसुविधा जनतेला उपलब्ध करून दिल्या पाहिजेत. देवी-देवतांचे आशीर्वाद असले तरच, हे सर्व शक्य आहे, असेही केजरीवाल म्हणाले.

पूजेवेळी मनात हा विचार आला

दिवाळीनिमित्त लक्ष्मी-श्रीगणेशाची पूजा करताना हा विचार माझ्या मनात आला. यामुळे अर्थव्यवस्था सुधारेल, असा माझा दावा नाही. पण देवाचे आशीर्वाद मिळतील. इंडोनेशिया हे करू शकतो, मग आपण का नाही. लक्ष्मी ही समृद्धी आणि संपन्नतेची देवता आहे, असे केजरीवाल यांनी सांगितले.