IAS-IPS Shortage: मोठी बातमी! देशात १३०० IAS तर ५०० IPS पदे रिक्त; केंद्रीय मंत्र्यांनी दिली महत्त्वाची माहिती

आयएएस आणि आयपीएस होण्याचे लाखो तरुणांचे स्वप्न असते. यासाठी तरुण दिवसरात्र मेहनत करतात. यूपीएससी परीक्षेत चांगली रँक प्राप्त करतात. त्यानंतर त्यांची आयएएस किंवा आयपीएस पदासाठी निवड होते. दरम्यान, आता आयएएस आणि आयपीएस पदांबाबत महत्त्वाची माहिती समोर आली आहे.

आयएएस आणि आयपीएससाठी शेकडो रिक्त पदे

देशात आयएएस आणि आयपीएस अधिकाऱ्यांची कमतरता आहे. सरकारने लोकसभेत याबाबत आकडेवारी सादर केली. या आकडेवारीनुसार, आयएएस आणि आयपीएस पदासाठी शेकडो पद रिक्त आहेत. एवढ्या मोठ्या संख्येने पदे रिक्त असणे ही चिंतेंची बाब आहे. आयएएस आणि आयपीएस या अधिकाऱ्यांमुळेच देशात कायदा व सुव्यवस्था सुरळीत असते. परंतु आता हीच पदे रिक्त असल्याने सुरक्षेबाबत प्रश्न निर्माण झाले आहेत.

सरकारच्या माहितीनुसार,देशात एकूण ६,८७७ आयएएस पदे आहेत. यापैकी केवळ ५,५७७ पदे भरलेली आहेत. सुमारे १,३०० पदे रिक्त आहेत. तर एकूण ५०९९ आयपीएस पदे आहेत. त्यापैकी फक्त ४,५९४ पदे भरली आहेत. ५०५ पदे अजूनही रिक्त आहेत. याचा परिणाम थेट प्रशासन आणि पोलिस यंत्रणेवर होऊ शकतो.

मंत्री जितेंद्र सिंह यांनी दिली माहिती

राज्यमंत्री जितेंद्र सिंह यांनी संसदेत याबाबत माहिती दिली आहे. त्यांनी संसदे लेखी उत्तर दिले. यामध्ये सांगितले की, पदे भरण्याची प्रक्रिया सुरु आहे. दरवर्षी नागरी सेवी परिक्षेच्या माध्यमातून ही पदे भरली जातात. २०१२ पासून दरवर्षी एकूण १८० उमेदवारांची निवड केली जाते. यातील ४ टक्के जागा दिव्यांग उमेदवारांसाठी असतात.