Earthquake In Himachal Pradesh : हिमाचल प्रदेशातील धर्मशाला येथे भूकंपाचे धक्के जाणवले. धर्मशालापासून पूर्वेला 22 किमी परिसरात पहाटे 5:17 वाजता 3.2 रिश्टर स्केलचा भूकंप झाला. या संदर्भात नॅशनल सेंटर फॉर सिस्मॉलॉजीने माहिती दिली आहे.
यापूर्वी 5 जानेवारी रोजी दिल्ली-एनसीआरमध्ये (Delhi) भूकंपाचे जोरदार धक्के जाणवले होते. जम्मू आणि काश्मीरमध्येही भूकंपाचे झटके बसले होते. तेथेही लोकांना भूकंपाचे जोरदार धक्के जाणवले. या भूकंपाची तीव्रता 5.9 इतकी होती. या भूकंपाचे (Earthquake) केंद्र अफगाणिस्तानमधील हिंदू कुश परिसरात होते. यापूर्वीही दिल्ली-एनसीआरमध्ये भूकंपाचे जोरदार धक्के जाणवले आहेत.
नवीन वर्षाच्या दिवशीही देशात वेगवेगळ्या वेळी भूकंपाचे धक्के जाणवले. 1 जानेवारी रोजी रात्री 11:28 वाजता मेघालयातील नोंगपोह येथे 3.2 रिश्टर स्केलचा भूकंप झाला. तेव्हा भूकंपाचा केंद्रबिंदू नॉन्गपोहमध्ये जमिनीपासून १० किमी अंतरावर होता.
यापूर्वी 27 आणि 28 डिसेंबरच्या रात्री अडीच तासांच्या आत उत्तराखंडमधील उत्तरकाशीपासून नेपाळपर्यंत अनेक भूकंपाचे धक्के जाणवले होते. नेपाळमधील बागलुंग जिल्ह्यात भूकंपाचा पहिला धक्का जाणवला होता. त्यानंतर भूकंपाचे दुसरे धक्के खुंगाच्या आसपास जाणवले. या भूकंपाची तीव्रता 5.3 स्केलवर नोंदवली गेली होती.
हिमाचल प्रदेशचाही धोकादायक झोनमध्ये समावेश
भारतीय मानक ब्युरो (BIS) ने संपूर्ण देशाची पाच भूकंप झोनमध्ये विभागणी केली आहे. देशाचा ५९ टक्के भाग भूकंपाच्या धोक्याच्या क्षेत्रात आहे. पाचवा झोन हा देशातील सर्वात धोकादायक आणि सक्रिय मानला जातो. या झोनमध्ये येणारी राज्ये आणि भागात विध्वंसाची शक्यता सर्वाधिक आहे. पाचव्या झोनमध्ये जम्मू आणि काश्मीर, हिमाचल प्रदेशचा पश्चिम भाग, उत्तराखंडचा पूर्व भाग, गुजरातमधील कच्छचा रण, उत्तर बिहारचा भाग, भारतातील सर्व ईशान्य राज्ये, अंदमान आणि निकोबार बेटे यांचा समावेश होतो.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.