![Heatwave Warning](http://media.assettype.com/saamtv%2F2024-04%2Fd2eba9a5-eaab-4892-9396-0505854e77c9%2FWeather_Update.jpg?w=480&auto=format%2Ccompress&fit=max)
देशात उन्हाच्या झळा वाढत असून तापमानाचा पारा ४०-४२ पर्यंत पोहोचला आहे. हवामान विभागाने पुढचे १५ दिवस देशात उष्णतेची लाट येण्याची शक्यता वर्तवली आहे. दरम्यान केंद्रीय आरोग्यमंत्री डॉ. मनसुख मांडविया यांनी बुधवारी उष्णतेमुळे होणाऱ्या आजारांच्या व्यवस्थापनासाठी आरोग्य विभागाच्या तयारीचा आढावा घेतला. यावेळी राज्यांना आणि नागरिकांसाठी काही मार्गदर्शक सूनचा जारी केल्या आहेत. त्यामुळे उष्णतेपासून स्वत:चा बचाव करता येणार आहे.
हवामान विभागाने दिलेल्या इशाऱ्यानंतर केंद्रीय आरोग्य आणि कुटुंब कल्याण मंत्री मनसुख मांडविया यांनी बुधवारी मोठी बैठक घेतली. यात आयएमडी, आरोग्य विभाग आणि आपत्ती व्यवस्थापन विभागाचे अधिकारी उपस्थित होते. आढावा बैठकीत आरोग्य मंत्रालयाने केंद्र सरकारला राज्य सरकारांना मार्गदर्शक सूचना जारी करण्यास सांगितलं आहे. कोणत्या आहेत त्या सूचना? आणि नागरिकांना कसा होईल फायदा? जाणून घेऊयात.
(साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
तहान लागली नसली तरीही पुरेसे पाणी आणि शक्य तितक्या वेळा पाणी प्या
हलके, फिकट रंगाचे, सैल आणि सच्छिद्र सुती कपडे घाला
उन्हात बाहेर जाताना संरक्षक गॉगल, छत्री/टोपी, शूज किंवा चप्पल वापरा
जेव्हा बाहेरचे तापमान जास्त असते तेव्हा जड काम टाळा
प्रवासात पाणी सोबत ठेवा
मद्य, चहा, कॉफी आणि कार्बोनेटेड शीतपेये टाळा, जे शरीराला dehydrate करतात
उच्च प्रथिनेयुक्त अन्न टाळा आणि शिळे अन्न खाऊ नका.
तुम्ही बाहेर काम करत असाल तर टोपी किंवा छत्री वापरा आणि तुमच्या डोक्यावर, मानेवर, चेहरा आणि हातपायांवर ओलसर कापड वापरा.
पार्क केलेल्या वाहनांमध्ये लहान मुले किंवा पाळीव प्राणी सोडू नका
ओआरएस, लस्सी, तोराणी (तांदूळ पाणी), लिंबू पाणी, ताक इत्यादी घरगुती पेये वापरा जे शरीराला पुन्हा हायड्रेट करण्यास मदत करतात.
जनावरांना सावलीत ठेवा आणि त्यांना भरपूर पाणी प्यायला द्या
तुमचे घर थंड ठेवा, पडदे, शटर किंवा सनशेड वापरा आणि रात्री खिडक्या उघड्या ठेवा
पंखे, ओले कपडे वापरा आणि वारंवार थंड पाण्याने आंघोळ करा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.