हरियाणात मोठी दुर्घटना! गणेश विसर्जनावेळी पाण्यात बुडून ६ जणांचा मृत्यू; अनेकांना रुग्णालयात केले दाखल

गणपती विसर्जनादरम्यान हरियाणातील महेंद्रगड आणि सोनीपतमध्ये 6 जणांचा मृत्यू झाल्याची माहिती समोर आहे.
Haryana News
Haryana NewsSaam Tv

नवी दिल्ली : अनंत चतुर्दशी दिवशी शुक्रवारी देशभरात गणपती विसर्जनाच्या भव्य मिरवणुकांचे तसेच कार्यक्रमांचे आयोजन करण्यात आले होते. यादरम्यान एकीकडे आनंदाच्या बातम्या तर दसरीकडे हरियाणातून (Haryana ) दु:खद बातमी समोर आली आहे. हरियाणात गणपती विसर्जनावेळी 6 जणांचा मृत्यू (Death) झाला. मुख्यमंत्री मनोहर लाल खट्टर यांनीही या अपघातांबद्दल शोक व्यक्त करत कुटुंबीयांना मदतीचे आश्वासन दिले आहे.

Haryana News
Petrol Diesel: पेट्रोल- डिझेल होणार स्वस्त? जाणून घ्या आजचे दर

हरियाणातील(Haryana ) महेंद्रगडमध्ये गणपती विसर्जनाच्यावेळी कालव्यात 4 जण बुडाले, तर सोनीपतमध्ये यमुना नदीत 2 जण बुडाले. 4 जणांना मृत अवस्थेत रुग्णालयात दाखल केले होते. महेंद्रगडमधील कालव्यात गणेशमूर्ती विसर्जनादरम्यान विजेचा धक्का लागून ९ जण वाहून गेल्याचे सांगण्यात येत आहे. आता जिल्हा प्रशासन एनडीआरएफच्या टीमच्या सहकार्याने बचाव मोहीम राबवत आहे. काही जणांना वाचवण्यात यश आले आहे.

Haryana News
"तुम्ही काँग्रेस अध्यक्ष होणार का...?" राहुल गांधींनी स्पष्टच सांगितलं, म्हणाले...

मुख्यमंत्री मनोहर लाल खट्टर यांनीही या घटनेबद्दल शोक व्यक्त केला आहे. 'गणपती विसर्जनावेळी झालेल्या या अकाली मृत्यूची घटना अत्यंत दुःखद आणि हृदयद्रावक आहे. अशा कठीण काळात आम्ही या लोकांच्या कुटुंबियांसोबत आहोत. अनेकांना बुडण्यापासून वाचवून रुग्णालयात दाखल करण्यात आले आहे,' असं ट्विट मुख्यमंत्री खट्टर यांनी केले आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com